Atsika koa ampijalinolo, mety harary vatan̈antsika avio mety halemy troko mare atsika. Mety ho robaka foeky fihavan̈antsika amy Jehovah izikoa atsika mavozo mare, lera misy olo manohitry atsika manompo Jehovah. Akory tokony hataonao izikoa misy olo mampijaly anao?

Maro olony Jehovah nahavita niatriky izio, fotony iro natoky Jehovah. (Sl 18:17) Ohatra, Estera nasaky nivolan̈a tetikiny Hamana ratsy fan̈ahy. (Es 7:​1-6) Talohany nan̈anaovany izio, izy nifady hanin̈y antsendriky, nan̈aboahany fa izy natoky Jehovah ankitin̈y. (Es 4:​14-16) Jehovah nitahy raha nataony zen̈y, ke Jehovah namonjy Estera ndreky firenenanany.

Anaro tanora, izikoa misy olo mampijaly anaro, mivavaha amy Jehovah, ke angataha izy han̈ampy anaro. Avio ambarà olo efa be, karaha ataony raimandreninaro izio. Matokisa fa Jehovah tsy maintsy han̈ampy anaro, karaha nataony taminy Estera. Fa ino koa raha hafa tokony hataonao?

ZAHAVA VIDEO FIAIN̈ANANAY TANORA—INO RAHA HAN̈AMPY ZAHO HIATRIKY FAMPIJALIAN̈A? AVIO TADIAVA VALINY FAN̈ONTANIAN̈A ABY TY:

• Ino raha ianarany tanora baka amy Charlie ndreky Ferin?

  Sorata eto valiny

• Ino raha ianarany raimandreny baka amy raha nivolan̈iny Charlie ndreky Ferin momba fan̈ampian̈a tsaiky ampijalinolo?

  Sorata eto valiny