Amy pazy fandraisan̈a amy tranonkalantsika ao misy lahatsoratra ndreky video maro natao hahasariky olo tsy Vavolombelon̈o Jehovah. (As 13:48) Matetiky hita ao raha misy amy vaovao erantany, avio raha iritriretinolo ndreky matetiky koran̈inolo.

Karakory hampiasantsika pazy fandraisan̈a amy jw.org io atsika koa fa manompo?

• Zahava matetiky tranonkala io. Zahava ino raha vaovao ao, avio diniha akory mety hampiasanao izio lera anao mandeha manompo. (Izikoa anao tihahita raha niboaka vo tsy ela tamy pazy fandraisan̈a io, kitia “Hizaha Tohiny.”) Anao koa maharaka mizaha pazy fandraisan̈a io, hahita raha vaovao hikoran̈iny aminolo fo anao.

• Ampiasà iro lahatsoratra ndreky video amy pazy fandraisan̈a ao hanombohanao koran̈a. Raha aby atao amy pazy fandraisan̈a io ahitantsika raha mety handihanany jerinolo amy faritany itoriantsika an̈y.

• Aboaha olo pazy fandraisan̈a io. Mikoràn̈a fotokevitry araiky, avio aboaha olo io karakory ahitan̈a fan̈azavan̈a momba izio amy tranonkalantsika ao.

• Andifasa liens izy. Olo sasany tsy tia mikoran̈a amintsika mivantan̈a fa iro ndraiky tia mizaha tranonkalantsika. Ke aza misalasala man̈amia izy liens ahitany pazy fandraisan̈a io na ahitany lahatsoratra araiky na video aboaka ao.