7-13 Oktobra
SALAMO 92–95
Hira 84 Ndreky Vavaka | Fampidiran̈a (1 min.)
1. Tsisy Tsaratsaran’ny Manompo Jehovah!
(10 min.)
Jehovah man̈eva tompoentsika (Sl 92:1, 4; w18.04 26 § 5)
Izy man̈ampy olonany hahay hanapa-kevitry ndreky ho sambatra (Sl 92:5; w18.11 20 § 8)
Ten̈a valera aminany olo manompo izy nata efa be taon̈o (Sl 92:12-15; w20.01 19 § 18)
IRITRIRETA TY: ‘Ino ma raha mbala misakan̈a zaho tsy hanokan-ten̈a amy Jehovah ndreky hatao batisa?’
2. Valera Ara-pan̈ahy
(10 min.)
-
Sl 92:5—Nan̈ino volan̈a aby io mahavolan̈a fahendrenan’i Jehovah tsarabe? (cl 176 § 18)
-
Ino valera ara-pan̈ahy hitanao tamy vaky Baiboly tamin’ny herin̈iandra ty?
3. Vaky Baiboly
(4 min.) Sl 94:1-23 (th fianaran̈a 5)
4. Fanombohan̈a Koran̈a
(4 min.) TSY ARA-POTOAN̈A. An̈atin’ny anarô mikoran̈a, mitadiava fomba an̈ambaran̈a aminany fa anao mampianatra Baiboly olo. (lmd leson 5: Hevitry 3)
5. Mitsidiky
(3 min.) TSY ARA-POTOAN̈A. Olo io lian̈a fa izy taloha tsy nan̈eky hianatra Baiboly. Tahaoma hianatra ndraiky izy. (lmd leson 8: Hevitry 4)
6. Mampianatra
(5 min.) Anao mikoran̈a amy mpianatra Baiboly araiky tsy man̈ano fandrosoan̈a. (lmd leson 12: Hevitry 5)
Hira 5
7. Ino Han̈ampy Tanora Hiatriky Raha Mampiasaloha?
(15 min.) Fiarahan̈a midiniky.
Mpanompon’i Jehovah tsy vita vaksiny amy raha mampiasaloha. Matetiky, ohatra, Davida niasaloha, karaha zen̈y koa rahalahintsika maro amy iziôty. (Sl 13:2; 139:23) Mampalahelo fa firaka amy tanora koa mba miasaloha. Ndraikindraiky, baka amin’ny asaloha fo mety hahavy atsika tsisy angôvo han̈anaovan̈a raha fataontsika andavanandra, karaha ataony mandeha lekaoly na mandeha mivory. Baka amizio koa mety mahavy olo araiky havozo tampoko na tihamono ten̈a foeky.
Izikoa anao tanora, ke anao miasaloha mare, mindao mikoran̈a amy raimandreninao na amin’olo be matotro. Mivavaha koa amy Jehovah, ke angataha izy han̈ampy anao. (Fi 4:6) Izy han̈ampy anao. (Sl 94:17-19; Is 41:10) Zahava baka tantaran’i Steing.
Alifasa VIDEO Mikarakara Zaho Jehovah. Aviô an̈ontania mpan̈atriky:
• Ino andinin-teny nan̈ampy Steing, aviô nan̈ino?
• Akôry nataon’i Jehovah nikarakara izy?
Ho vitanarô raimandreny han̈ampy zanakanarô tsy hiasaloha be. Amy fomba karakôry? Tandrin̈esa tsara irô koa fa mikoran̈a, aboaha irô fa anarô tia irô, baka iô ampia irô hatoky fa irô tian’i Jehovah. (Tit 2:4; Jk 1:19) Iangavia Jehovah hankahery anao ndreky han̈amia angôvo ilainao baka ho vitanao han̈ampy zanakanao.
Mety tsy ho haintsika fa misy olo amy fiangonan̈antsika ao miasaloha mare. Tsy voatery ho haintsika koa raha tsapandrô. Ndray zen̈y, atsika hahavita han̈ampy irô izikoa raisintsika tsara olo jiaby amy fiangonan̈a baka irô mahatsapa tian̈a.—Oh 12:25; He 10:24.
8. Fianaran̈a Baiboly Ataon’ny Fiangonan̈a
(30 min.) rr toko 15 § 15-17, efajoro 15A
