Anaro tanora, na anaro pianatra Baiboly, asa mba an̈isany tanjon̈onaro hatao batisa? Nan̈ino anaro tihan̈ano batisa? Manomboko manan̈a fifandraisan̈a manokan̈a amy Jehovah anaro, koa manokanten̈a ndreky atao batisa. (Sl 91:1) Mety hahavoavonjy atsika koa izio. (1Pe 3:21) Ino aby raha mila hataonao, zay anao vo mety hatao batisa?

Mila resy lahatra tsarabe anao fa nahita fahamarin̈ana. Izikoa misy raha mampisalasala anao, man̈anova fikarohan̈a. (Ro 12:2) Diniha ino aby fan̈ovoan̈a mbala mila hataonao. Tokony fitiavanao hamparavoravo Jehovah handrisiky anao hiova. (Oh 27:11; Ef 4:23, 24) Mivavaha aminany fo mangataka izy han̈ampy. Matokisa fa Jehovah hampiasa fan̈ahy masin̈inany, ke han̈amia angovo anao ndreky hanohan̈a anao. (1Pe 5:10, 11) Tsy matiantoko anao koa man̈ano raha jiaby zen̈y, fotony fanompoan̈a Jehovah io fomba fiain̈ana farany tsara!—Sl 16:11.

ALIFASA VIDEO EZAKA NATAOKO TALOHANY BATISANAKA AVIO TADIAVA VALINY FAN̈ONTANIAN̈A ABY TY:

• Ino raha nila nirisenolo sasany baka iro vita batisa?

• Akory tokony hataonao baka anao hanan̈a finoan̈a ke hahavita hanokanten̈a ndreky hatao batisa?

• Ino raha nandrisiky olo sasany nifen̈y baka ho vita batisa?

• Ino aby hatsaran̈a amiany Jehovah olo mifidy hanompo izy?

• Ino ma dikany manokanten̈a ndreky hatao batisa zen̈y?