Jehovah izioty mandamin̈y olonany baka hahavita asa nan̈irahany iro, karaha nataony nandamin̈y iro Israelita aby io fo. Erantany misy birôny sampan̈a, faritry, fiangonan̈a, ndreky andiampitory. Atsika mitory aminolo jiaby, an̈atinizen̈y olo mampiasa volan̈a hafa.—Ap 14:6, 7.

Asa anao mba efa nieritreritry hianatra volan̈a hafa baka mahavita hampianatra olo hahay ny marin̈y? Tsy voatery handany lera be anao hianaran̈a izio. Afaka mampiasa JW Language fo anao, fotony ao efa misy fomba fitorian̈a tsotra. Anao koa mampiasa izio lera mitory, ho ravoravo karaha iro rahalahintsika tamy taonjato voanalohany in̈y koa anao, fotony naharen̈y olo baka antany hafa gaga koa naharen̈y “asa mahagaga nataony Zan̈ahary.”—As 2:7-11.

ALIFASA VIDEO ATAOVA KAMARADINAO JEHOVAH—MITORIA AMY KARAZAN̈OLO JIABY AVIO TADIAVA VALINY FAN̈ONTANIAN̈A ABY TY:

• Amy lera karakory JW Language io man̈ampy atsika?

• Ino aby raha hitantsika ao?

• Ino aby karazan̈a volan̈a ampiasainolo amy faritaninaro?

• Izikoa anao mahita olo lian̈a aminy hafatra momba Fanjakan̈a io, kanefa tsy mira fivolan̈anaro, ino raha tokony hatao?—od 100-101 § 39-41