Mila mahay mifidy olo atao kamarady olo araiky izikoa tiho kamaradiny Jehovah. (Sl 15:1, 4) Ho mora aminolo han̈ano ny tsara izikoa tsara olo ataony kamarady.​—Oh 13:20; lff leson 48.

Aboaha fa anao tsara fan̈ahy, izikoa anao mivolan̈a aminolo fa iro tsy tokony hiaraka amy naman̈a ratsy. Mety tsy ho mora amindro miala amy namandro taloha. Ke manokàna fotoan̈a iarahan̈a amindro, aminy andra tsy ianaranaro Baiboly. Mandifasa mesazy amindro, kahia iro, vangia iro. Koa fa hitanao mifen̈y iro miova, kahia iro izikoa fa misy fiarahan̈a. Ho hitandro amy zen̈y fa mahazo naman̈a maromarony nialandro iro. (Mr 10:29, 30) Ho ravoravo koa anao koa mahaimaro olo an̈isany fianakavian̈any Jehovah.

ZAHAVA VIDEO AMPIA OLO AMPIANARINAO BAIBOLY BAKA TSY HIARAKA AMY NAMAN̈A RATSY AVIO TADIAVA VALINY FAN̈ONTANIAN̈A ABY TY:

• Karakory ma naman̈a ratsy zen̈y?​—1Ko 15:33

• Akory fiheverany Jade fiarahan̈a zen̈y tamy voanalohany?

• Akory nataony Neeta nan̈ampy Jade hiala amy naman̈a ratsy?