Volan̈a Zan̈ahary mahavita man̈ova olo. (He 4:12) Fa izikoa tiantsika hahazo hatsaran̈a baka amy taridalan̈a, toromariky, ndreky torohevitry amizio ao, mila resy lahatra atsika fa izio “volan̈a Zan̈ahary” ankitin̈y. (1Te 2:13) Akory hahavy anao hatoky tsarabe raha koran̈iny Baiboly?

Mamakia toko vitsivitsy amizio ao isanandra. Anao koa man̈ano zen̈y, ho hitanao fa izio baka amy Jehovah. Ohatra, anao mety mamaky bokiny Ohabolana, baka io aleva onon̈o akory han̈arehanao fahendrena hitanao ao amy fiain̈ananao.​—Oh 13:20; 14:30.

Man̈anaova fikarohan̈a. Mitadiava porofo mankamarin̈y fa Baiboly io baka amy fan̈ahy masin̈iny Zan̈ahary. Amy Fitaovana Fikarohana ho An’ny Vavolombelon’i Jehovah, zahava fotokevitry “Baiboly” avio tadiava “Avy Amin’Andriamanitra.” Ho fatatra koa fatokisanao hafatra an̈atiny Baiboly ao izikoa anao mandiniky raha koran̈iny “Fanazavana Fanampiny A3” amy Fandikan-tenin’ny Tontolo Vaovao.

ZAHAVA VIDEO NAN̈INO MA ATSIKA MINO FA... MARIN̈Y VOLAN̈A ZAN̈AHARY? AVIO TADIAVA VALINY FAN̈ONTANIAN̈A ABY TY:

• Nan̈ino ma raha hita tamy ribany tempoly ta Karnak ta Ezipty tan̈y mankamafy fa marin̈y raha volan̈iny Volan̈a Zan̈ahary?

  Valinteninao

• Akory hahaizantsika fa hafatra amy Volan̈a Zan̈ahary ao tsiary niova?

  Valinteninao

• Nan̈ino ma fisiany Baiboly firaka izioty mahavy anao matoky fa Volan̈a Zan̈ahary ankitin̈y izio? ​—Vakia Isaia 40:8

  Valinteninao