Aminy andra farany izioty, maro raha sarotro andalovantsika. Ndraikindraiky efa karaha tsy ho tondrantsika problemontsika. Fa izikoa ndraiky atsika tsy voly man̈aton̈o Jehovah, izy han̈ampy atsika hiaritry raha farany sarotro mahazo atsika. (Is 43:2, 4) Akory hataontsika han̈aton̈o Jehovah, izikoa atsika fa miaritry raha sarotro?

Vavaka: Izikoa koran̈intsika amy Jehovah raha jiaby an̈atiny fontsika ao, izy han̈amia atsika fiadanantsain̈y ndreky han̈amia angovo hindesintsika miaritry.​—Fi 4:6, 7; 1Te 5:17.

Fivorian̈a: Ten̈a mila iro fan̈azavan̈a momba Baiboly ndreky mila mandeha mivory miaraka amy vahoakany Jehovah amy fivorian̈a an̈y atsika. (He 10:24, 25) Hampiasa fan̈ahy masin̈inany amy fomba feno Jehovah, izikoa atsika man̈oman̈a fivoriany fiangonan̈a, mivory, avio mandray anjara amizio.​—Ap 2:29.

Fanompoan̈a: Izikoa atsika man̈ano zay mety ho vitantsika amy fanompoan̈a, ho moramora amintsika hizaha lafy tsarandraha. Hinaman̈a tsarabe amy Jehovah ndreky amindro piaramiasa amintsika aby io koa atsika.​—1Ko 3:5-10.

ZAHAVA VIDEO HANDRAY ANAO JEHOVAH AVIO TADIAVA VALINY FAN̈ONTANIAN̈A ABY TY:

• Ino raha nan̈ampy Malu han̈aton̈o marikitry Jehovah fo izy koa fa nandalo raha sarotro?

  Valinteninao

• Karaha nataony Malu, nan̈ino volan̈a aby amy Salamo 34:18 io mankahery atsika amy raha sarotro mahazo atsika?

  Valinteninao

• Akory nan̈aboahany tantarany Malu fa Jehovah man̈amia atsika “angovo mandilatrany ninolombelon̈o” lera atsika tojy raha sarotro?​—2Ko 4:7

  Valinteninao