Tiantsika han̈ano raha hamparavoravo Jehovah amy raha jiaby hataontsika. (Oh 27:11) Baka hahavitan̈a zen̈y, atsika mila man̈ano fanapahankevitry mifan̈araka amy fisain̈anany Jehovah, izikoa fa tsisy lalàn̈a na didy mazava momba izio. Ino raha mety han̈ampy atsika han̈ano zen̈y?

Manàn̈a fahazaran̈a mamaky Baiboly tsy tapaka. Isaka atsika mamaky Baiboly, ataova karaha mandany fotoan̈a miaraka amy Jehovah in̈y. Mety mianatra momba fomba fisain̈ananany atsika baka amy fomba nitondrasany iro vahoakanany taloha tan̈y, avio mandiniky ohatrandro nan̈ano ny tsara ndreky ratsy. Izikoa atsika mila manapakevitry, fan̈ahy masin̈iny Jehovah hampatsiaro atsika iro fianaran̈a maro maventy nataontsika ndreky iro toro lalan̈a nianarantsika tamy Volan̈a Zan̈ahary.​—Jn 14:26.

Man̈anaova fikarohan̈a. Anao koa fa hanapakevitry, man̈ontania ten̈a: ‘Ino ma andininteny na tantara amy Baiboly mety han̈ampy zaho hahay hevitriny Jehovah momba raha io?’ Mivavaha baka Jehovah han̈ampy anao, avio ampiasà iro fitaovan̈a fikarohan̈a misy amy volan̈anaro, amy zen̈y ho hitanao iro toro lalan̈any Baiboly mifan̈araka amy raha ilainao, avio ampihara toro lalan̈a hitanao.​—Sl 25:4.

ZAHAVA VIDEO MILA MIARITRY ATSIKA KOA FA MILOMOAY: MIHINÀNA HANIN̈Y MAHASALAMA AVIO TADIAVA VALINY FAN̈ONTANIAN̈A ABY TY:

• Ino raha sarotro nandalovany ranabavy tanora tamy video tio in̈y?

  Valinteninao

• Akory mety hampiasanao fitaovan̈a fikarohan̈a, baka izio han̈ampy anao lera anao tojy raha karaha ninazy tio in̈y?

  Valinteninao

• Izikoa tianao hahay hanapakevitry, nan̈ino mahatsara anao manokan̈a fotoan̈a han̈anaovan̈a fikarohan̈a ndreky fianaran̈a manokan̈a?​—He 5:13, 14

  Valinteninao