Nan̈ino ma olo man̈iry ho an̈isany olony Fanjakan̈any Zan̈ahary mila mifen̈y mianatra raha momba izio ndreky raha efa vitanizio? Fotony haindro baka amizio fa Jehovah mikarakara olonany, ke zen̈y an̈isany mankafatatra finoan̈andro. Tsy vitanizen̈y koa fa manjary tiandro man̈ambara raha zen̈y amy taranaka avy afara. (Sl 45:1; 49:3) Anao koa fa mizaha video Fanjakan̈any Zan̈ahary: Raha Vitany Tan̈atiny Zato Taon̈o, tadiava valiny fan̈ontanian̈a aby ty:

1. Ino hatsaran̈a nazonolo nahita “Photo-Drame de la Création”?

2. Nan̈ino fampiasan̈a radio nahavy olo maro naharen̈y vaovao tsara?

3. Ino koa raha hafa natao nitorian̈a vaovao tsara? Karakory nandraisanolo izio?

4. Nan̈ino nankatsara fanompoan̈a nataondro fisiany fianaran̈a momba fanompoan̈a?

5. Ino raha nianarandro pianatra aby tamy Sekoliny Gileada?

6. Nan̈ino ilain̈y amy fampianaran̈a olony Jehovah fisiany fivoriambe?

7. Ino ahaizanao fa efa mitondra ankitin̈y Fanjakan̈any Zan̈ahary?

8. Akory an̈aboahantsika fa milan̈y amy Fanjakan̈any Zan̈ahary atsika?