Koran̈iny Soratra Masin̈y fa tokony hataontsika mira fitondrasantsika olo kibo araiky amintsika fitondrasan̈a iro antidahy, antibavy, ndreky tanora amy fiangonan̈antsika. (Vakia 1 Timoty 5:1, 2.) Iro rahalahy aby io ten̈a tokony hitondra iro ranabavy aby io amy fomba mendriky sady man̈aja.

Rahalahy tsy tokony hisomasoma ranabavy ndreky tsy han̈ano fihetsiky hafahafa ke tsy hampahazo ain̈y iro foeky. (Jb 31:1) Rahalahy tsy manambady koa tsy tokony han̈ano raha iheverany ranabavy fa izy tia ranabavy io, kanefa izy tsisy eritreritry hangala vady izy aby.

Antipan̈ahy koa tokony ho tsara fan̈ahy ndreky hitandren̈y tsarabe izikoa misy ranabavy man̈ontany raha iro ampan̈ajan̈a na izikoa misy raha tsikaritrindro ke volan̈indro amindro. Iro antipan̈ahy aby io ten̈a tokony hiaro iro ranabavy tsy manambady, fotony iro io tsisy vady hiaro iro.—Rt 2:8, 9.

ZAHAVA VIDEO MIFEN̈A FO MAN̈ABOAKA FITIAVAN̈A KOA FA AN̈IVONY FIANGONAN̈A: IRO MATY VADY NDREKY KAMBOTY AVIO TADIAVA VALINY FAN̈ONTANIAN̈A ABY TY:

• Akory nan̈aboahany fiangonan̈a fa ten̈a tiandro Ranabavy Myint?

• Ino vokatrany fitiavan̈a naboakany fiangonan̈a io taminolo tanàna araiky tamy ranabavy io?

• Ino vokatrany fitiavan̈a naboakany fiangonan̈a io tamy zanaka Ranabavy Myint?

Ino raha mety hataonao han̈aboahanao fitiavan̈a amindro ranabavy amy fiangonan̈a misy anao?