Tanjon̈o arapan̈ahy zen̈y, lan̈iany asa mare tiantsika hatao hampitombosan̈a fanompoan̈a, baka mamparavoravo Jehovah. Hahavy atsika ho matotro fan̈anaovan̈a zen̈y, ke man̈eva handanian̈a fotoan̈a ndreky angovontsika. (1Ti 4:15) Nan̈ino ma mila dinihintsika matetiky tanjon̈ontsika io? Fotony mety hiovaova fiain̈anantsika. Tanjon̈ontsika taloha in̈y mety efa tsy ho mety amintsika eky, na mety efa takantsika izio ke mety hahavita hanakatra tanjon̈o hafa koa atsika.

Fotoan̈a ten̈a tsara han̈anaovan̈a zen̈y, alohany hidiran̈a amy taompanompoan̈a vaovao. Koràn̈a amy fotoampivavahan̈anaro tanjon̈o tianao takarin̈y ndreky tiany fianakavian̈anao takarin̈y.

Ino amindro tanjon̈o aby koran̈iny io ma tianao takarin̈y, avio ino aby raha hiritriretinao hatao hanakaran̈a iro io?