FOMBA FIAIN̈ANA KRISTIANIN̈Y
Iro Miasa Mare Mikarakara Atsika
Miasa mare piandraikitry faritry ndreky vadindro mikarakara fiangonan̈a tsidihindro. Olombelon̈o mira atsika fo iro, ke mba misy raha ilaindro, iro mahay kajo, kivy ndreky miasaloha. (Jk 5:17) Fa nata iô raha jiaby zen̈y, isaka herin̈iandra iro mifantoko amy fankahirezan̈a iro rahalahy ndreky ranabavy amy fiangonan̈a tsidihindro fo. Ten̈a man̈eva hahazo ‘fan̈ajan̈a aroe sosony’ iro piandraikitry faritry aby io.—1Ti 5:17.
Apostoly Paoly koa fa nieritreritry hitsidiky Roma ‘hirasa fan̈amezan̈a arapan̈ahy’ tamy fiangonan̈a tan̈y, tiany izikoa iro ‘hifankahery.’ (Ro 1:11, 12) Asa mba efa niritriretinao, akory hataonao hankahery piandraikitry faritrinaro ndreky vadiny, izikoa izy manambady?
ZAHAVA VIDEO FITSIDIHANY PIANDRAIKITRY FARITRY AMY TOERAN̈A LAVITRY AVIO TADIAVA VALINY FAN̈ONTANIAN̈A ABY TY:
-
Ino aby raha ataony piandraikitry faritry ndreky vadindro han̈aboahandro fa iro ten̈a tia fiangonan̈a?
-
Ino hatsaran̈a nazonao baka taminy ezaka nataondro?
-
Akory mety hankahirezantsika iro?
