Midredran̈a Loatra: Aza mieritreritry fa tsy maintsy anao fo han̈azava raha jiaby. Aleva onon̈o fa Jesosy tsy be koran̈a. Izy nan̈apetraka fan̈ontanian̈a baka olo hieritreritry ndreky hahay han̈atsoaka hevitry. (Mt 17:24-27) Ho velombelon̈o fianaran̈a, anao koa mahay mampiasa fan̈ontanian̈a. Ho hainao koa raha inoany pianatranao ndreky raha tsy azony. (be 253 § 3-4) Mampiasà fan̈ontanian̈a. Aza mekimeky fa ambesa izy hieritreritry valiny. Koa diso valinteninany, aza hambara valiny, fa man̈apitraha fan̈ontanian̈a hafa han̈ampy izy hahita valiny marin̈y. (be 238 § 1-2) Ataova mifan̈araka amy fahatakarany pianatra io falakisany fivolan̈anao.—be 230 § 4.

Mankasarotro Raha: Aza koran̈iny raha jiaby hainao momba fotokevitry io. (Jn 16:12) Hevitry maventy amy fehintsoratra fo koràn̈a. (be 226 § 4-5) Fikoran̈ana tsipiriandraha madiniky, nata manaitry, mety hanakotro hevitry maventy. (be 235 § 3) Koa fa azony pianatra hevitry maventy, mifindrà amy fehintsoratra man̈araka.

Man̈azava Fo: Hanohin̈y fonolo tanjon̈ontsika fa tsy raha han̈azava raha fo. (Lk 24:32) Ampiasà andininy ioren̈any fianaran̈a, baka ho hisy heriny amy pianatra Volan̈a Zan̈ahary. (2Ko 10:4; He 4:12; be 144 § 1-3) Mampiasà fan̈oharan̈a tsotra. (be 245 § 2-4) Diniha problemo mahazo pianatra io ndreky raha inoany. Ke ataova mifan̈araka amy zen̈y fan̈azavan̈a ndreky fampiharan̈a. An̈ontania izy, ohatra, ty: “Akory hevitrinao amy fan̈azavan̈a io?” “Ino raha ampianarinizio atsika momba Jehovah?” “Ino hatsaran̈a azonao koa man̈araka torohevitry io anao?”—be 238 § 3-5; 259 § 1.