Izikoa tsaiky tojy atsika amy tran̈o itoriantsika, tokony hiràntsika kahiany ry olobeny. Man̈aja ry olobeny atsika amy zen̈y. (Oh 6:20) Izikoa tsaiky io mampiditry atsika antran̈o nefa tsy ao ry olobeny, atsika tsy miditry. Amy man̈araka koa atsika mimpody.

Ndray tsaiky io efa bebe (mety kadiriny 15 taon̈o), tokony hiràntsika kahiany fo ry olobeny. Iro koa tsy ao na mbala sahiran̈a, izy mety han̈ontaniantsika tsao efa omboany olobeny mifidy raha vakiny. Koa ‘ia’ hoizy, amiantsika boky na gazety izy na koran̈intsika aminany momba jw.org.

Koa nisy tanora nitandren̈y tsarabe, lera atsika mitsidiky izy tsara mikoran̈a aminy olobeny antsendriky atsika. Amy zen̈y atsika afaka man̈azava amindro diantsika ao. Mety haboakantsika iro koa fa misy torohevitry atokisan̈a sady mahatsara fianakavian̈a amy Baiboly ao. (Sl 119:86, 138) Efa fitorian̈a vita fan̈ajantsika ry olobeny io, sady mety ho afaka hitory amindro jiaby tran̈o araiky koa atsika.—1Pe 2:12.