Arapan̈ahy Tiany raimandreny kristianin̈y izikoa zanany loso panompony Jehovah tsy mivadiky. Ino raha mety ataondro? Mila alentikindro amy sain̈iny zanakandro raha ampianariny Baiboly, rango iro mbala hely. (De 6:7; Oh 22:6) Ilan̈a ezaka mare raha zen̈y, kanefa tsy angovo very boriny.—3Jn 4.

Mety ataony raimandreny modelindro Josefa ndreky Maria. Isaka taon̈o iro ‘nandeha ta Jerosalema’ izikoa fa ‘fetiny Pasky.’ (Lk 2:41) Tsy mora nan̈ano zen̈y sady nandany vola, kanefa nataondro fo. Tiandro hifandray tsarabe tamy Jehovah lafamìndro. Tokony han̈amia ohatra tsara zanakandro koa raimandreny sady hampianatra iro, isaka afaka man̈ano zen̈y. Han̈ampy iro handroso ndreky ho matotro arapan̈ahy raha zen̈y.—Sl 127:3-5.

ZAHAVA VIDEO AZA MIFIDIFIDY TOMBONTSOAMPANOMPOAN̈A, AVIO VALIA FAN̈ONTANIAN̈A ABY TY:

• Ino man̈aporofo fa tsy nataony Jon ndreky Sharon lambilambindraha fo fanompoan̈a Jehovah, taminiro nitaiza zanakandro?

• Nan̈ino tsy tokony hitovy fomba ampianaran̈a ndreky an̈itsian̈a iro tsaiky aby io?

• Ino raha mety hataony raimandreny baka zanakandro hahavita tsy hivadiky ndray misy fitsapan̈a?

• Ino amy fitaovan̈a naboakany fandaminan̈a efa nampiasainao, han̈ampian̈a zanakanao hanjary kamaradiny Jehovah?