Nisy Vavolombelon̈o Jehovah sivy samy nahazo taratasy fankasitrahan̈a baka tamindro amy Tany Figadran̈a Olo Pifindra Monin̈y Tsy Mazava, a Curtin, marikitry Derby, a Ostralia Andrefa an̈y. a Iro io nahavita be tamindro olo aby pifindra monin̈y nigadra tan̈y.

Isaka herin̈iandra, iro Vavolombelon̈o Jehovah aby io mandeha mizaha iro amy prizon̈o ao, ke mitandren̈y iro gadra aby io tsarabe, baka io mikoran̈a hafatra tsara ndreky fan̈antinan̈a koran̈iny Baiboly. Misy polisy araiky miandraikitry resaka fivavahan̈a ndreky kolontsain̈y amy prizon̈o io, Christopher Riddoch an̈arany, nivolan̈a karaha ty: “Betibetiky efa hita edy hatsaran̈any fandalovandro tao.” Nanjary ravoravo iro gadra aby io, fotony “haindro fa mbala misy olo tia ndreky mikarakara.”

Nivolan̈a koa izy fa tsy fanaoko iro Vavolombelon̈o Jehovah aby io izikoa taratasy fankasitrahan̈a io fo, fotony iro io “mankatsara fiain̈anandro lelahy” aby amy prizon̈o io ao. Raha ataondro Vavolombelon̈o Jehovah aby io koa, hoizy, “mahavy fianakavian̈andro, fiangonan̈andro ndreky fivavahan̈andro halaza tsara.”