Asa Atao a Warwick: Sary 3 (Zanvie Firaka Avrily 2015)
Ho hitanao amy sary aby ato fandehany asa fan̈oren̈ana atao amy foibeny Vavolombelon̈o Jehovah, nanomboko tamy Zanvie firaka Avrily 2015.
Karaha ty tran̈o aby a Warwick an̈y lera vita:
Tran̈o fikarakaran̈a tomabily
Parking niny vahiny
Tran̈o fikarakaran̈a ndreky fan̈amboaran̈a raha/Parking ninolo mipetraka ao
Tran̈o ipitrahan̈a B
Tran̈o ipitrahan̈a D
Tran̈o ipitrahan̈a C
Tran̈o ipitrahan̈a A
Tran̈o misy biro ndreky birony sampanasa isankarazany
2 Zanvie 2015—Tran̈o ipitrahan̈a C
Io efitry araiky amindro efitry efatra ao atao modely. Iro piasa amy foibe io efa nanomboko nifidy tany ipitrahandro tsiaraikiaraiky. Entan̈a ndreky fitaovan̈a fampiasain̈y aminy efitry io tsy hajanon̈o ao, fa raha hahitandro eran̈a raha mety tandry ao ndreky fampisanjian̈a iro io fo.
2 Zanvie 2015—Tran̈o fikarakaran̈a tomabily
Harold Corkern, pan̈ampy amy Komity Miandraikitry Asa Fan̈anovan̈a Pirinty amy Filankevipitantan̈ana man̈ano kabaro, titranany “Ataova Zay Farany Tsara Vitanao.” Maro olo man̈ano kabaro baka amy Baiboly mandeha tsy tapaka a Warwick, mandrisiky olo miasa.
14 Zanvie 2015—Tran̈o misy biro ndreky birony sampanasa isankarazany
Sase plastiky malandy io miaro iro piasa aby ao, baka iro mahavita miasa fo amy fotoan̈any andra manintsy. Tran̈obe io hatao tran̈o fihinanan̈a, lopitaly, lakoziny ndreky fanasan̈a lamba.
16 Zanvie 2015—Tran̈o ipitrahan̈a D
Iro pan̈amboatra raha momba jiro aby io han̈apetaka fily. Kabla mandilatra 12 000 metara efa napetaka amy tran̈o ipitrahan̈a aby io. Tafarany nividianan̈a tany a Warwick io, efa nanomboko niasa edy iro pan̈amboatra raha momba jiro. Tsy ho tapitry izio firaka tran̈o jiaby io vita.
16 Zanvie 2015—Tran̈o ipitrahan̈a A
Piasa araiky man̈apetaka karazan̈a scotch amy lavaranga, baka tsy hidirany rano. Io lavaranga amy farany an̈abo amy tran̈o etazy. Izio isorandro karazan̈a ranondraha maditidity, baka tsy hidirany rano. Mila araraka malaky izio koa fa hisorin̈y.
23 Zanvie 2015—Tran̈o ipitrahan̈a A
Lelahy ndreky zanany man̈angy miaraka man̈apetaka kabla hipitrahany fily mandeha amy tran̈o ipitrahan̈a jiaby.
6 Fevrie 2015—Tran̈o fikarakaran̈a tomabily
Iro piasa aby io mosary ke mihina matsan̈a. Mbala tsendriky tran̈o fihinanan̈a ten̈a izy io. Isanandra, mandilatra 2 000 olo mihina ao.
12 Fevrie 2015—Tran̈o fikarakaran̈a ndreky fan̈amboaran̈a raha/Parking ninolo mipetraka ao
Piasa aby io man̈apetaka vy lavalava amy farany ambany amy tran̈o fikarakaran̈a ndreky fan̈amboaran̈a raha.
12 Fevrie 2015—Tran̈o ipitrahan̈a C
Taratasy fankasitrahan̈a iro piasa aby io, baka amy tsaiky madiniky. Maro olo miasa antsitrapo midoko hely a Warwick an̈y. Izikoa atao konty, kadiriny 500 piasa vaovao avy isaka herin̈iandra. Tamy Fevrie, kadiriny 2 500 olo niasa isanandra ta Warwick.
24 Fevrie 2015—Raha momba asa a Warwick
Kadiriny 60 isanjatony asa a Warwick izioty efa vita. Tamy Zanvie firaka Avrily 2015, efa vita iro tran̈o ipitrahan̈a ndreky tran̈o misy biro ndreky birony sampanasa isankarazany. Tan̈atiny fotoan̈a jiaby zen̈y, iro piasa aby io nanomboko nan̈apetaka riba siman tamy tran̈o fikarakaran̈a ndreky fan̈amboaran̈a raha, nan̈amboatra lalan̈a aby mandeha amy tran̈o aby io, baka io nan̈avao barazy amy Farihy Sterling Forest (Farihy Mahitso).
25 Fevrie 2015—Tran̈o misy biro ndreky birony sampanasa isankarazany
Leskalie hanongan̈a amy tran̈o etazy aby io zahan̈a baka ambany. Entrepreneurs nikaramain̈y niasa tilikambo aby io, fa Vavolombelon̈o Jehovah fo nandraraka siman.the concrete.
26 Fevrie 2015—Tran̈o fikarakaran̈a ndreky fan̈amboaran̈a raha/Parking ninolo mipetraka aoNdray nanintsy mare andra taminio, iro piasa aby io mbala niasa fo, nan̈apetaka vy lavalava taminy etazy voanalohany. Kadiriny 127 santimetara hativen̈any lanezy latsaka ta Warwick, nanomboko tamy Zanvie firaka tamy Marsy. Piasa aby io tsy voly man̈adoso lanezy amy tany hiasandro. Misy tany mafanafana koa mety handihanandro piasa aby io ao.
26 Fevrie 2015—Tran̈o fikarakaran̈a ndreky fan̈amboaran̈a raha/Parking ninolo mipetraka ao
12 Marsy 2015—Parking niny vahiny
Man̈apetaka vy amy tafony tran̈o. Tamy farany fanjava Avrily, efa maro tran̈o ipitrahan̈a navoamboatra ndreky nasian̈a tafony. Tran̈o ipitrahan̈a B farany nankifain̈y, taminy antsasantsasaka fanjava Ziain.
18 Marsy 2015—Tran̈o fikarakaran̈a ndreky fan̈amboaran̈a raha/Parking ninolo mipetraka ao
Baka amy lamasiny fibatan̈a entan̈a, mitazan̈a tran̈o ipitrahan̈a B.
18 Marsy 2015—Tran̈o fikarakaran̈a ndreky fan̈amboaran̈a raha/Parking ninolo mipetraka ao
Plombie mizaha sariny raha mbala hatao amy garazy fipitrahany tomabilinolo mipetraka ao. Karazan̈a plany tran̈o mandilatra 3 400 ampiasain̈y amy fan̈oren̈ana io, firaka jiaby vita.
23 Marsy 2015—Tran̈o misy biro ndreky birony sampanasa isankarazany
Io raha havitany piasa aby io manonga an̈abo be. Iro io man̈apetaka sase plastiky iarovan̈a tran̈o io. Piasa aby io matetiky ampianarin̈y mampiasa fitaovan̈a fiasan̈a, baka iro tsy haratra ndreky tsy ho voany aksidan. An̈isany raha ampianarin̈y iro koa fampiasan̈a karazan̈a fitaovan̈a hita amy sary io, fitaovan̈a miaro iro tsy ho latsaka, asa handeha ataondro, fampiasan̈a raha fanampen̈ana oron̈o, baka io fitsefan̈a atao koa fa mikomandy olo mitondra lamasiny maventy fibatan̈a entan̈a mavesatra aby io.
30 Marsy 2015—Raha momba asa a Warwick
Mitodiky man̈andrefa mitazan̈a iro tran̈o ipitrahan̈a aby io. Tamy farany fanjava Avrily, nisy asa maventy natao tamy tran̈o ipitrahan̈a A, B, ndreky D, hitantsika amy sary io. Izio raha momba jiro ndreky asa maromaro. Amy tran̈o ipitrahan̈a C ndraiky, (tsy hita amy sary io), iro efa nanomboko nan̈ano riba platra, karôny tran̈o, ndreky nipendara.
15 Avrily 2015—Tran̈o ipitrahan̈a B
Piasa aroe man̈osotro raha amy riba ambelan̈a, baka tsy hidirany tsiko. Kadiriny fanjava aroe iro mahavita tran̈o ipitrahan̈a jiaby.
27 Avrily 2015—Tran̈o misy biro ndreky birony sampanasa isankarazany
Man̈amboatra riba granity. Amy tran̈o io hatao fandraisan̈a entan̈a avy.