Piasa antsitrapo aroe mampiasa racloir ndreky fer à joint, mampitambatra briky handeha hapetaka amy riba ambelan̈a. Misy takelaka vỳ matify an̈apitahan̈a iro briky aby io, ke izin̈y aviô hapetaka handrakofan̈a pôtô vỳ manohan̈a ribany tran̈o io.

Rahalahy araiky an̈isany ekipiny architecte, mampiasa niveau laser ndreky mire, mimezira habosany arofanin̈y isaka etazy. Man̈oloan̈a izy iô ndraiky, efa mandeha mare asa fandrafetan̈a, amy Tran̈o F.

Ranabavy araiky pan̈apetaka plaky, man̈apiritsiky rano ndreky man̈ano cripssage riba vita amy placoplâtre. Mampiasa déshumidificateur iro hitsitsian̈a rano. Lan̈iany rano azo baka amizio amy zay, han̈amboaran̈a plâtre na han̈amboaran̈a mortier, karazan̈a lakaoly fampiasain̈a amy karô.

Man̈oloan̈a Tran̈o E, olo maromaro piasany sosiete araiky man̈amboatra lalan̈a goudron ampiasain̈a an̈aty ao.

Rahalahy araiky mason man̈amboatra riba ambelan̈any Tran̈o F. Efa 71 taon̈o izy. Rango fan̈oren̈ana io nanomboko, anjatony Vavolombelon̈o Jehovah kadiriny 70 taon̈o nampiasa fahaizan̈andro hanohanan̈a tetikasa io.

Sary baka an̈abo, aminy ilany andrefa. Hirakofin̈y raha maniry aby tafony tran̈o jiaby. Tafotran̈o aby io natao tsy tanteradrano sady nasian̈a raha hahavy izy ho mety hambolian̈a raha. Izio koa fa vita, raha maniry aby amy faritry io fo hatsabo aminany. Mampatsara tontolo iain̈ana raha zen̈y, mitsitsy angôvo sady mahavy ranony mahalen̈y tsy mijararàka loatra. Aloha io Tran̈o A ndreky tapany amy birô.

Pandrafitry man̈apetaka kadra vìny varavaran̈a. Raha jiaby momba varavaran̈a io efa pare handeha hapetaka. Iro io tsy mila pindarin̈y, ary tsy mila siren̈a koa gadrany ndreky saviliny, ke mora be man̈apetaka iro io.

Efa ho tsofotro andra, piasany sosiete araiky man̈apetraka fondations amy tany asian̈a birô. An̈ivo io, piasa maromaro mandatsaka pôtô vỳ an̈aty lavaka mandeha 20 metra feno béton vo nahidin̈y. Afara rỳ ndraiky, tran̈o B.

Piasa antsitrapo araiky man̈apetaka colliers isolants handalovany tiôny chauffage, amy plafon-ny parking. Plafon io rakotro panneaux de soffite, karazan̈a isolant miaro tran̈o etazy aby io amy nintsy.

Rahalahy araiky an̈isany ekipy pan̈ano finitions man̈ano raha mampalamatra riba vita amy placoplâtre alohany han̈apitahan̈a papier peint amy riba io. Misy lavaka maro madiniky amy fitaovan̈a ampiasainy io, ke tsintsefinizio aby laposiera jiaby tavela amy riba io.

Piasa antsitrapo aroe man̈amboatra lalan̈a fidiran̈a amy tran̈o araiky. Lasitry aby baka nampiasain̈y tamy fan̈amboaran̈a béton io iroandro amy môtro, ke manjary misy lavadavaka maro amy zay iô. Misy bozaka maniry amy lavadavaka aby io, ke ndray latsaka mare be mahalen̈y, tsy tondraka foeky rano.

Piasa antsitrapo mipaindra tany handeha hatao lakoziny.

Adosondro ekipy pan̈apetaka esafôdazy aby io esafôdazy amy faritry sasany amy tran̈o io, misy han̈amboaran̈a balcon. Tiô mena aby io mitondra tsiko mafana mampamaiky tsara raha nahôsotro ao ndreky paintira avio siman amy rapaka lera andra ririn̈iny.

Piasa antsitrapo mampiasa spatule man̈adoso tsiko tavela amy papier peint. Papier peint io raha fandrakofan̈a riba, ke izio ten̈a tsara salakady mateza, sirto amy tany fandalovanolo maro. Afara rỳ misy piasa antsitrapo hafa man̈apetaka papier peint miaro riba io.

Piasa antsitrapo maro mivory alohany handeha hiasa. Misy piandraikitry araiky man̈azava fomba iarovanten̈a aminy aksidan. Samby amy sampanasandro iro piasa aby io; iro von̈ono hiasa lera fan̈ampiny han̈adio Tran̈o F ndreky man̈odidin̈y, fotony efa ho avy olo hipetraka amy tran̈o io.

Piasany sosiete araiky mankefa fan̈apitahan̈a balcon amy Tran̈o F. Iro mampiasa nacelle na lagriky. Natao mifan̈araka amy tran̈o tsiaraikiaraiky ao kolerany balcon amy zen̈y tsy sarotro man̈avaka iro tran̈o aby ao, avio mifan̈araka tsarabe amy toetrandra fahararano man̈odidin̈y. Ankila rỳ ndraiky, iro man̈adoso labasy amy Tran̈o E, alohany han̈adoso esafôdazy.

Olo aroe fivadiany ravan̈a baka niasa, mitatitry entan̈andro amy Tran̈o F, mbala vo vita andra araiky talohanio. Maromaro piasa antsitrapo napetraka amy tran̈o vao aby io, ke manjary mihen̈y vola lany amy famondroan̈a tran̈o ndreky fray. Manjary mahavita asa marobe koa iro piasa antsitrapo aby io vokatranizen̈y.

Alin̈y, piasa amy sosiete araiky mandraraka béton amy tany handeha han̈amboaran̈a parking. Afara rỳ Tran̈o B.

Olo fivadiany an̈isany ekipiny pandrafitry, manapaka raha iasandro vita amy vato quartz. Efa direkty amy tany hatao lakoziny iro manapaka izio, amy zen̈y tsy hatahoran̈a ho vakivaky izio lera vita fotony tsy mila taterin̈y.