“Asa Ten̈a Niavaka” ta Estonia Tan̈y
Baiboly Ny Soratra Masina—Fandikan-tenin’ny Tontolo Vaovao amy volan̈a estonianin̈y, an̈isany raha niavaka ta Estonia tan̈y tamy taon̈o 2014. Tan̈atiny raha 18 farany tsara nadika voafidy, izio nahazo laharan̈a fahatelo.
Baiboly vaovao naboaka tamy 8 Aoty 2014 io nifidiny pandiniky volan̈a, Kristiina Ross an̈arany, taminy Iniversiteny Volan̈a Estonianin̈y. Baiboly Fandikan-tenin’ny Tontolo Vaovao io, hoizy, “farany tsara ndreky mora vakin̈y.” Karaha ty koa nivolan̈iny: “Ten̈a nankatsara fandikanteny amy volan̈a estonianin̈y asa nataondro io.” Rein Veidmann, manampahaizan̈a momba soratra ndreky kolontsain̈y koa nivolan̈a fa fandikanteny vaovao io “asa ten̈a niavaka.”
Taminy 1739 voanalohany nisiany Baiboly amy volan̈a estonianin̈y, ke tafaranizen̈y mbala naro koa Baiboly amy fandikanteny hafa naboaka. Izikoa zen̈y zahan̈a, nan̈ino basy Baiboly Fandikan-tenin’ny Tontolo Vaovao io an̈isany “asa ten̈a niavaka?”
Marin̈y. Misy Baiboly malaza a Estonia an̈y niboaka taminy 1988 koa an̈isany niavaka, fotony izio nandika an̈aran̈a Zan̈ahary “Jehoova” (Jehovah) in-6 800 mimpody, amy Soratra Hebreo (Testamenta Taloha) * Mbala mandilatra zen̈y hamarozany an̈aran̈a Zan̈ahary io amy Baiboly Fandikan-tenin’ny Tontolo Vaovao, fotony tsy amy Soratra Hebreo fo misy an̈aran̈a io, fa amy Soratra Griky Kristianin̈y (Testamenta Vaovao) koa.
Mazava. Izio ma Baiboly Fandikan-tenin’ny Tontolo Vaovao io mba marin̈y ndreky mora vakin̈y edy va? Misy pandika Baiboly araiky, Toomas Paul an̈arany, nanoratra tamy gazety Eesti Kirik (Eglizy a Estonia) fa Fandikan-tenin’ny Tontolo Vaovao io “ten̈a niavaka, fotony fandikan̈a volan̈a ao ten̈a amy volan̈a estonianin̈y fampiasainolo ankitin̈y.” Karaha ty koa nivolan̈iny: “Matokisa anaro fa mbala sambany taminio nisiany fandikan-teny amy volan̈a mazava be karaha zen̈y.”
Olo mamaky Baiboly nadika amy volan̈a Estonianin̈y
Ten̈a nahagaga koa fandraisandro estonianin̈y aby io Baiboly io. Misy radio nasionaly tan̈y nan̈ano fandaharan̈a tan̈atiny 40 minity, nikoran̈ana momba Baiboly vaovao io. Iro pitariky fivavahan̈a ndreky iro olo aby mazoto mandeha leglizy aby io koa nifandray tamy Vavolombelon̈o Jehovah, nangataka Baiboly io. Nisy Iniversite farany tsara a Talinn an̈y koa nangataka Baiboly Fandikan-tenin’ny Tontolo Vaovao io 20, ampiasain̈y amy fampianaran̈a. Ten̈a tia boky iro Estonianin̈y aby io, ke Vavolombelon̈o Jehovah aby io ravoravo man̈amia fandikanteny marin̈y ndreky mazava amy boky farany tsara nisoratin̈y letrizay io.
^ feh. 5 Nisy direkiterany Iniversiteny Tartu, Ain Riistan an̈arany, nandiniky momba fanon̈onan̈a an̈arany “Jehoova” io, nan̈ambara karaha ty: “Fahitako izy, an̈aran̈a Jehoova io ten̈a mifan̈araka aminandra izioty. Marin̈y izio, fotony karaha io tsarabe izio tamy voanalohany nisoratin̈y tan̈y, baka io koa an̈aran̈a io ten̈a misy dikany maventy amy taranaka fara mandimby. Jehoova io an̈arany Zan̈ahary araiky nan̈iraka Zanany han̈avotro olombelon̈o.”
Mety ho Tianao Koa
FAMPIANARAN̈A FOTOTRO AMY BAIBOLY
Zan̈ahary ma Misy An̈aran̈a?
Maro an̈aran̈a fan̈ajan̈a Zan̈ahary, an̈isanizen̈y Farany Mahery, Pamoron̈o ndreky Tompo. Fa ten̈a an̈arany Zan̈ahary ndraiky mimpody im-7 000 amy Baiboly ao.
RAHA MATETIKY AN̈ONTANIANOLO