Ia. Zahay jiaby, na aia na aia misy zahay, mifen̈y man̈ambara raha inoanay aminolo jiaby hitanay, karaha ataondro misionera aby io fo.—Matio 28:19, 20.

 Sasany aminay Vavolombelon̈o Jehovah miala hely tanàna misy iro, fa sasany ndraiky mifindra tanàna foeky. Nan̈ino iro man̈ano zen̈y? Baka mahavita man̈ambara vaovao tsara amy Baiboly aminolo mbala tsendriky naharen̈y. Sasany ndraiky man̈ano zen̈y, baka mahavita mitory aminolo maro. Iro ravoravo man̈atanteraka volan̈a Jesosy ty: ‘Anaro hanjary vavolombelon̈onaka, firaka amy tany farany lavitry ambony tany ty.’—Asan’ny Apostoly 1:8.

 Misy fianaran̈a asany misionera natsangana Vavolombelon̈o Jehovah tamy taon̈o 1943. Fianaran̈a Baiboly Ataony Misionera a Gileada ivolan̈ana izio, ke Vavolombelon̈o Jehovah mandilatra 8000 efa nahavita fianaran̈a io.