Vavolombelon̈o Jehovah tsy man̈ano ampahafolo. Izikoa misy olo man̈iry hanohan̈a asa ataonay erantany, izy man̈amia zay vola tindriny, sady tsy mitonon̈o an̈aran̈a. Ino ma ampahafolo zen̈y? Nan̈ino ma zahay Vavolombelon̈o Jehovah tsy man̈ano izio?

 Tamy faha Israelita tan̈y, Zan̈ahary nan̈iraka iro Israelita aby io han̈amia ampahafolony raha nanan̈andro. Ndray zen̈y ndraiky, Baiboly efa tsy man̈iraka Kristianin̈y han̈amia ampahafolo zen̈y eky.​—Hebreo 7:​5, 18; Kolosianina 2:​13, 14.

 Zahay ndray tsy man̈ano ampahafolo, zahay man̈araka raha nataondro Kristianin̈y aby taloha tan̈y. Nisy raha aroe nataondro, izikoa tiandro hanohan̈a fan̈ompoan̈a: Iro man̈ano fanompoan̈andro antsitrapo fa tsy karamain̈y, baka io iro tsy tiren̈y man̈amia vola zay tindrindro.

 Ke zahay man̈araka raha volan̈iny Baiboly ty: “Irarian̈a olo jiaby samy han̈ano eraka raha niritriretiny tan̈aty fonany, tsy aminy alahelo na tiren̈y, fotony lagniany man̈amia raha baka amy fo tiany Zan̈ahary.”​—2 Korintianina 9:7.