ƐTƐ̃NƐ-ŊA Ɛtɛ̃nɛ-ŋa díkaa naa à gɛ́ɛ dí kpɔŋ maa tɛɛ ípɔ. Ye kpera yɛ̂, ye íwóli tɔ́ɔ nia-woo-ŋai dîa da pâi dɛɛi ípɔ a pa kéleŋ-ŋa tɔ́ɔ pere ma, kúlɔ pere da kú kula pere ma, see-sɛŋ siɣe mɛni ma, é pɛ́lɛ la mɛni takpɛ́ni-ŋa dîa.

BATÂI Mɛŋi maa fáleŋɔɔ ta a wàla kɛ̀, see-sɛŋ-ŋa da pâi kɛ́i naa diai pâi batâi kɛ́i mɛni ma nono-tɛɛ ɣenei tuɛ. Maa nɛ̃̂ɛi diai pâi batâi kɛ́i dí dímaa yéŋ naa batâi lonoi kɔ́ɔ é lɛ́ɛ pâi pîlani a Salade ɣele wala. Núu kélee é pa a tâɓa da batâi kɛ́ seɣe lɛ́lɛɛ.

KPƆŊ MAA KÂPA-ŊA Dí tíi kɛ a kâpa támaa à gɛ́ɛ kú see-sɛŋ lɛ́lɛɛ-ŋa, wóo su kɛ́tɛ kɔli-ŋa, vilo lɛ́ sãa da mɛni takpɛ́ni-ŋa sɔlɔ ɓó à gɛ́ɛ nɔ́ kú kɔ̃ŋvensɔŋ ŋaa-nɛ̃ɛ kula, é kpɔŋ kûa kú lɛɣɛ a Ziova. Íkpɔŋ maa kâpa-ŋai a kpɔŋ maa tɛɛ m̀ɛni-ŋai ŋí mɛni ma, gɛ́ ŋɔ́nɔ kpɔŋ maa tɛɛ ŋâla-woo-ɓo tíi mɛni ma ŋéniɛi gwaa kélee. Basí-ŋa káa gbɔŋ too kwaai ma gwaa kélee nyii-ŋai ya pɔri kpɔŋ maa kâpa tóoi zu. Ya ŋɔ́nɔ pɔri kpɔŋ maa kâpa tɛɛi vãai ŋa donate.pr418.com. Kwa ká sɛ̂ɣɛi fêi gbɔŋ maa kapâ-ŋai kélee mɛni ma. Gbɔŋ-gîe-mai Téniŋ-tɔɔ-ɓelai da ká sɛ̂ɣɛi fêi gbɔŋ maa támaai mɛni ma ka dɛɛi Gâloŋ-laai maa tíi mɛni ma.

ZÁLE TƐƐ KWAAI MA Gɔ́lɔŋ à gɛ́ɛ gwaai ŋí ma káa nɔ́ núu tɛ́i pere kɔlɔ-fela mɛni ma.

LÁŊ SÃA KÁA KWAA MA Ya sɛŋ ta kaa nyii ífe namu kɔ́lɔŋ, ye lí la Náŋ Sãa Káa Kwaai Ma. À kɛ̀ sɛŋ ta aâ láŋ íyêei, lí gwaai ŋí ma à gɛ́ɛ I zɛŋ nyii láŋ íyêei, lɛ́. Lí a nĩ̂a-pɛlɛɛ nyii-ŋai daâ láŋ díkaa-ɓela yêei, gwaai ŋí ma. Kɛ́ɛ à gɛ́ɛ nii sɛ̂lɛŋ mɛni kɛ́ɛ ŋí fé kɛ́, ye kpera yɛ̂, ye ínĩ̂a-pɛlɛɛi mɛi káa, ífe nɛɛ naa dí kula íkɔlɛ.

M̀AA-YEŊ KWAAI MA Kpera yɛ̂, ye íkili-ŋa sia é pîlaŋ íɓarâŋ dîa. Gɔ́lɔŋ à gɛ́ɛ, ya pɔri see-sɛŋ siɣei nɔ́ íkaayɔ̂ɔi su-ɓela mɛni ma da diai ka dia-ni ka pa kéleŋ tɔnɔ su gîe ma, diai ka dia-ni kákaa pɛ́rɛ tɔnɔ mu kpaa diai ka dia-ni ka Ŋâla-kɔlɔi maa-kɔ̂rii gîe mai. Ífe sɛŋ ta láa see-sɛŋ ta ŋa nyii ífe ziɣei núu ta mɛni mai.

GBƆŊ MAA TƐƐ KWAAI MA Ya kɛ ŋwɛ̂lii I kpɔŋ maa tɛɛ kɔ̃ŋvensɔŋ ŋí ŋɔtíi-ŋai ta mɛni ma, kpera yɛ̂, ílaa tɛɛ Ŋ̀orɛ̂-woo Kwaai Ma da Gbɔŋ Maa Tɛɛ Kwaai Ma.

School for Kingdom Evangelizers Panĩ̂a-ŋai díkaa kóraŋ 23 da 65 loai nyii-ŋai ŋwɛlii dí díɣâla-woo-ɓó tíi maa tɛ́i da pɔri pâi a Sɔ̂ne fólo maláa School for Kingdom Evangelizers kôyaŋ mɛni ma. Da pâi tãi da ɓɛi da pâi gôyaŋ ŋí tooi naai lɛi.