ƐTƐ̃NƐ-ŊAI Ɛtɛ̃nɛ-ŋai dikaa naa a gɛɛ di kpɔŋ maa tɛɛ ipɔ. Ye kpera yɛ, ye iwoli tɔɔ nia-woo-ŋai dia da pai dɛɛi ipɔ a pa keleŋ-ŋa tɔɔ pere ma, kulɔ pere da ku kula pere ma, see-sɛŋ siɣe mɛni ma, e pɛlɛ la mɛni takpɛni-ŋa dia.

BATAI Mɛni maa faleŋɔɔ ta a wala kɛ, see-sɛŋ-ŋa da pai kɛi naa diai pai batai kɛi mɛni ma nono-tɛɛ ɣenei tuɛ. Maa nɛ̃ɛi diai pai batai kɛi dikɛ a dimaa-yeŋɔɔ naa batai lonoi kɔɔ e lɛɛ pai pilani a Salade ɣele wala. Nuu kelee e pa a taɓa da batai kɛ seɣe lɛlɛɛ.

KPƆŊ MAA KAPA-ŊA Di tii kɛ a kapa tamaa a gɛɛ ku see-sɛŋ lɛlɛɛ-ŋa, woo su kɛtɛ kɔli-ŋa, vilo lɛ sãa da mɛni takpɛni-ŋa sɔlɔ ɓo a gɛɛ nɔ ku kɔ̃ŋvensɔŋ ŋaa-nɛ̃ɛ kula, e kpɔŋ kua ku lɛɣɛ a Ziova. Ikpɔŋ maa kapa-ŋai a kpɔŋ maa tɛɛ mɛni-ŋai ŋi mɛni ma, gɛ ŋɔnɔ kpɔŋ maa tɛɛ ŋala-woo-ɓo tii mɛni ma ŋeniɛi gwaa kelee. Basi-ŋa kaa gbɔŋ too kwaai ma gwaa kelee nyii-ŋai ya pɔri kpɔŋ maa kapa tooi zu. Ya ŋɔnɔ pɔri kpɔŋ maa kapa tɛɛi vãai ŋa donate.pr418.com. Kwa ka sɛɣɛi fei gbɔŋ maa kapa-ŋai kelee mɛni ma. Gbɔŋ-gie-mai Teniŋ-tɔɔ-ɓelai da ka sɛɣɛi fei gbɔŋ maa tamaai mɛni ma ka dɛɛi Galoŋ-laai maa tii mɛni ma.

ZALE TƐƐ KWAAI MA Gɔlɔŋ a gɛɛ gwaai ŋi ma kaa nɔ nuu tɛi pere kɔlɔ-fela mɛni ma.

SÃA LAŊƆƆ KAA KWAA MA Ya sɛŋ ta kaa nyii ife namu kɔlɔŋ, ye li la Zãa Laŋɔɔ Kaa Kwaai Ma. A kɛ sɛŋ ta aa laŋ iyeei, li gwaai ŋi ma a gɛɛ I zɛŋ nyii laŋ iyeei, kɔri. Li a nĩa-pɛlɛɛ nyii-ŋai daa laŋ dikaa-ɓela yeei, gwaai ŋi ma. Kɛɛ a gɛɛ nii sɛlɛŋ mɛni kɛɛ ŋi fe kɛ, ye kpera yɛ, ye inĩa-pɛlɛɛi mɛi kaa, ife nɛɛ naa di kula ikɔlɛ.

MAA-YEŊ KWAAI MA Kpera yɛ, ye ikili-ŋa sia e pilaŋ iɓaraŋ-ŋa dia. Gɔlɔŋ a gɛɛ, ya pɔri see-sɛŋ siɣei nɔ ikaayɔɔi su-ɓela mɛni ma da diai ka dia-ni ka pa keleŋ tɔnɔ su gie ma, diai ka dia-ni kakaa pɛrɛ tɔnɔ mu kpaa diai ya Ŋala-kɔlɔi ŋa-lɛi diai. Ife sɛŋ ta laa see-sɛŋ ta ŋa nyii ife ziɣei nuu ta mɛni mai.

GBƆŊ MAA TƐƐ KWAAI MA Ya kɛ ŋwɛlii I kpɔŋ maa tɛɛ kɔ̃ŋvensɔŋ ŋi ŋɔtii-ŋai ta mɛni ma, kpera yɛ, ilaa tɛɛ Ŋorɛ-woo Kwaai Ma da Gbɔŋ Maa Tɛɛ Kwaai Ma.