Ŋorɛ-wooi Nyii Kula Gbɔŋ-gie-mai Teniŋ-tɔɔ-ɓelai Yeei
‘Maa nɛ̃ɛi kakɛ a sɛŋ-lɛ-ɓela.’ (Ib. 5:12) Ikili-ŋa sia e pilaŋ nyiŋi ma! Ziova—nyii a Zɛŋ-lɛ-nuu Kɛtɛi a ku tolii a gɛɛ ku sɛŋ lɛ nua dia e pilaŋ ma! Kwa tii kelee ta sɔlɔ ɓo a gɛɛ ku dɔ̃yai lɛ e pilaŋ Ziova ma—kukaayɔɔi su, korai-toli-kpɔŋ su, kpaa ŋala-woo-ɓo tii su—kaa a tii lɛlɛɛ nyaŋ mɛni kpanaŋɔɔi. Le ɓe pai kpɔnii kua a gɛɛ ku nyiŋi kɛ?
Kwa pɔri zukulai kaai mɛnii su zia-nuui Pɔɔ e mo Temete mai: “Ŋala-kɔlɔi lono kpɔŋ su, I Ɣala-woo ɓo, I sɛŋ lɛ.” “Ya gɛ ti, gɛ ni ya pai ikpiŋ ɓaloi da iwoo mɛni-ɓela.” (1 Te. 4:13, 16) Fulu-laa tuŋ kaa iyeei a gɛɛ I mo. Mɛni ma, maa nɛ̃ɛi I kɔ kpɔ a gbanaŋɔɔ a gɛɛ I ikɔlɔ lono perei da isɛŋ lɛ perei maa tɛ a nɛlɛɛ. Gɔlɔ-kpuai ŋi a pai kpɔnii ya a gɛɛ I nyiti kɛ. Kwaa mɛni-ŋai taŋa kaa nyii gaa gɔlɔ-kpuai ŋi sui.
Ɣala-kɔlɔ-kpua kaa gɔlɔ-laai kelee ma. Lia-woo kaa ŋala-kɔlɔ-kpuai su nyii bilaŋɔi zɛŋ-lɛɛi ma kpaa mɛni-kɔɔŋ-maa nyii maa nɛ̃ɛi ku tii kɛ la
Ziova ɓa “Zɛŋ-lɛ-nuu Kɛtɛi.” (Az. 30:20, NWT) Gɔlɔ-kpua ŋi a pai kpɔnii ya a gɛɛ I imaa tɛ I kɔlɔ lono perei da I sɛŋ-lɛ perei su. Kɛɛ, ife wɔlɔ nĩa a gɛɛ ŋorɛ-wooi a Kulai Ziova Yeei, nyaŋ nya ɓe a pa a nua dɔ̃yai su. (Zɔŋ 6:44) Mɛni ma, Ziova fɛli a tãi kelee ŋɔmɔleŋ maa waai mɛni ma. Tii kɛ a Ŋala-kɔlɔi a tãi kelee ya kɛ sɛŋ lɛi. Nɛ a gɛɛ zɛŋ-lɛɛi a kulai Ziova yeei, ife nua ŋɛi kɛ ya. Kɔ a gɛɛ I kpɔŋ dia wɛli-kɛ-maa su kpanaŋɔɔ e kɛ diyeei Ziova mɛni ma.
Ziova aa ŋorɛ-woo mɛni-kpanaŋɔɔ tɛɛ ipɔ a gɛɛ I nɛ. Maa mɛni kpanaŋɔɔi e tɛɛ worɛ-woo kelee ta ma. Ku laai la ya pɔri gɛi a kɛ ya ikili tɔɔ ‘ŋwala-wala-laai ma nyii Ɣala a dɛɛi.’—1 Pi. 4:11.
Kaɓaraŋ Sɛŋ-lɛ-ɓela,
Gbɔŋ-gie-mai Teniŋ-tɔɔ-ɓelai