ZƐŊ-LƐƐI 14
Mɛni-ŋuŋ-ŋai Kɛ E Tɔɔ A Zu Ponoɔ
Ibulu 8:1
MƐNI-ŊUŊ: Kpɔŋ maa tɛɛ nuai pɔ a gɛɛ di mɛni-ŋuŋ kaa ya lonoi e pilaŋ mai, gɛ ni I berei lɛ mɛni-ŋuŋ-ŋai pilaŋɔi la mɛnii ya ŋwɛlii I nɛi ma da zɛlɛŋ-kpau.
BEREI YA PƆRI GƐI LAI:
-
Mɛni-kpɛtɛɛ kɛ e pilaŋ mɛnii ya ŋwɛlii I nɛi ma. Ikili-ŋa sia a kɛ isɛŋ-lɛɛi a pai nua kili-ŋa ponoi, e di fɔrɔ, e nua lii kula kpaa mɛni takpɛni. Ya kɛ lono kpɛtɛi, mɛni-ŋuŋ-ŋa siɣe nɔ nyii pai kpɔnii ya a gɛɛ I mɛni-ŋai ŋi kɛ.
-
Lono e pilaŋ nonoi sɛlɛŋ-kpau ma a tãi tamaa. Ya kɛ nonoi tɛɛi, lono e pilaŋ ŋoo-ŋuŋ-ŋai nonoi sɛlɛŋ-kpau sui dia a tãi tamaa.
-
Kɔ nɔ I mɛni-ŋuŋ tɛi-tɛi siɣe, I lono e pilaŋ ma a nɛlɛɛ. Mɛni-ŋuŋ-ŋa siɣe nɔ nyii bilaŋɔi nonoi sɛlɛŋ-kpau ma, nyii-ŋai ya pɔri lonoi a nɛlɛɛ e pilaŋ dia tãi iyeei su. Lono a nɛlɛɛ e pilaŋ mɛni-ŋuŋ-ŋai kelee dia, kɛlɛ mɛni-ŋuŋ-ŋai dife kɛ a damaa. Ya kpɛɛ lonoi mɛni-ŋuŋ dɔnɔ ma, kpera a daloŋ I lɛɛ pai lii mɛni-ŋuŋ nɛɛ polui ma, ya gɛ ti nuai da pai ŋaa kaai ma a nɛlɛɛ.