ZƐŊ-LƐƐI 2
Lono A Ŋɛi Pono Pere
2 Kɔleŋtiɛŋ 2:17
MƐNI-ŊUŊ: Lono a ikpɔɔi lono pere, nyii pai ikili-ŋa-siai lɛi e pilaŋ nuai dia ya lonoi dipɔi da mɛni-ŋuŋ ya lonoi e pilaŋ mai.
BEREI YA PƆRI GƐI LAI:
-
Ɣala fɛli. Ɣala fɛli kpɔŋ-maa mɛni ma a gɛɛ iŋɛi fe kɛ nɔ ikpiŋ ma, kɛɛ ŋorɛ-wooi ma ya moi. Kɛ a mɛni-ŋuŋ kɔlɔŋɔɔ ya ŋwɛlii I nɛi. Lono a ikpɔɔi lono pere; ife gɛ yɛɛ ya kɛ kɔlɔ lonoi.
-
Lono e kula ilii su. Ikili-ŋa sia e pilaŋ mɛnii ma gɛ maa nɛ̃ɛi nua di diwoli tɔɔ I worɛ-wooi ma. Iŋɛi e kɛ dia. Gɛ ni itɔɔ pere, iyee lɛ pere, da iŋɛi kpɛtɛ pere a pai nɛi a gɛɛ mɛnii ya moi mɛni kpanaŋɔɔ, a pai ŋɔnɔ nɛi a gɛɛ iŋɛi ponoɔi.
-
Diai ya lonoi dipɔi, ŋɛi kaa. Nuai ŋɛi kaa nyii ya lonoi dipɔi a kɛ ve a mɛni nyɔmɔɔ ɓɛi I kaa naai. Ya kɛ lono tɛɛi, ife gbɔŋ su-ɓelai kelee kaa nɔ a tãi tɔnɔi, kɛlɛ kɛ dikaai tɛitɛi.