A kɛ Ɣala kaa a wɛli-kɛ-maa, le mɛni ɓe nua tamaa nyii-ŋai moi a gɛɛ di kaa a ɣala-ɓelai daa ŋwana-lɔɔ mɛni tamaa kɛ lai? Gɔlɔŋ a gɛɛ ŋala-mɛni su-ɓelai ŋi di kaa a lɛɛ ɣala-ɓela nyii-ŋai Ɣala laa karai. Pere sii kɛɛ leŋ ɓe daa naa kara lai? Le ɓa ŋɔkili-ŋa-siai e pilaŋ nyiti ma? Nyaŋ le ɓe a pai gɛi e pilaŋ ma?

1. Lɛɛ ɣala-mɛni su-ɓela daa Ɣala laa kara leŋ a disɛŋ-lɛɛi?

Lɛɛ ɣala-mɛni su-ɓela daa “Ɣala ŋɔtɔ̃yai maa faleŋ a lɛɛ.” (Lomaŋ 1:​25) Gɔɔŋ-maa ɓa, ɣala-mɛni su-ɓela tamaa difa Ɣala laa lɛ dipolu-ɓelai dia. Kɛlɛ, Ŋala-kɔlɔi e mo a gɛɛ maa nɛ̃ɛi ku Ɣala laa kɔlɔŋ kukɛ doli la. (Lomaŋ 10:​13, 14, NWT) Mɛni nyɔmɔɔ a kɛ, ɣala-mɛni laa-tuɛ-ɓela taŋa da mo a gɛɛ gaa a Ɣala nĩa-mɛni. Kɛlɛ nyiŋi fe a tɔ̃ya. Ɣala fa wɔlɔ mɛni nyɔmɔɔ kɛ a nuu ta. (Zĩi 1:​13 lono.) Kɛlɛ, nɛɛ mɛni-ŋai ɣala-mɛni su-ɓela da nɛi, aa nua maa koya Ɣala ma.

2. Lɛɛ ɣala-mɛni su-ɓela daa Ɣala laa kara leŋ a ditua-pere?

Lɛɛ ɣala-mɛni su-ɓela difa tua a nua yɛɛ Ziova. Ŋala-kɔlɔi e mo a gɛɛ lɛɛ ɣala-mɛni su-ɓela ‘disɔnyɔŋ-ŋai mɛi koyaai e seri ŋele-kɔlɔŋ ma.’ (Mɛni-lɛɛi 18:5) Lɛɛ ɣala-mɛni su-ɓela daa diyee pu gɔmɛti mɛni-ŋa da kɔ mɛni-ŋa su a koraŋ ŋuŋdɔ tamaa nyii aa gɛ nua tamaa daa saai. Ɣala-mɛni laa tuɛ-ɓela taŋa da ŋwɛlii a tɔɔ-laa, mɛni ma da dipolu-ɓelai mare kɛ kapa mɛni ma. Ditua pere a nɛ a gɛɛ dife kpiŋ Ɣala kɔlɔŋ, nyaŋ maa fe nɛ̃ɛ ni di mo a gɛɛ dikaa a ɣala-ɓela.​—1 Zɔŋ 4:8 lono.

3. Le ɓa Ɣala ŋɔkili-ŋa-siai e pilaŋ lɛɛ ɣala-mɛni ma?

A kɛ mɛni-ŋai lɛɛ ɣala-mɛni su-ɓela daa gɛi a ilii ŋwana, I laai la Ziova ŋɔkili-ŋa siai kaa leŋ e pilaŋ dia? E nua wɛlini, kɛɛ nii ŋwanai a lɛɛ ɣala-mɛni laa-tua ɓela nyii-ŋai naa karai, dikɛ tua nyɔmɔɔ kɛ a dinuai. Ziova aa gono tee a gɛɛ a pai lɛɛ ɣala-mɛni kelee su karai, “nyaŋ dife pai ŋɔnɔ gaai.” (Mɛni-lɛɛi 18:​21) Tãi kpua yee mu, Ɣala a pai lɛɛ ɣala-mɛni kelee su karai.​—Mɛni-lɛɛi 18:8.

 MƐNI TAMAA MAA-KƆRI

4. Ɣala fa nyee see ɣala-mɛni kelee mu

Nua tamaa laai la a gɛɛ ɣala-mɛni kaa yɛɛ pere takpɛni-ŋa nyii gelee a lii ɣala pɔi. Kɛlɛ tɔ̃ya ɓe ti? Maafiu 7:​13, 14 lono, gɛ ni ka lono e pilaŋ mare-kɛɛ-ŋi ma:

• Le ɓe Ŋala-kɔlɔi e mo e pilaŋ vulu-laa perei ma?

VILOI su kaa, gɛ ni ka lono e pilaŋ mare-kɛɛ-ŋi ma.

• Ŋala-kɔlɔi e mo a gɛɛ Ɣala a nyee see ɣala-mɛni sii kelee mu?

 6. Ɣala a ŋwɛlii e nua ŋuŋ maa ɓo lɛɛ ɣala-mɛni yeei

Mɛni-lɛɛi 18:4 lono, a gɛ ni ka lono e pilaŋ mare-kɛɛ ŋi ma:

• Ilii a kɛ leŋ ya gɔlɔŋ a gɛɛ Ɣala a ŋwɛlii e nua ŋuŋ maa ɓo lɛɛ ɣala-mɛni yeei?

7. Kanaŋ mɛni maa-kɔrii e pilaŋ dɔ̃ya Ɣalai ma

Maa nɛ̃ɛi mɛni nyɔmɔɔ-ŋai lɛɛ ɣala-mɛni su-ɓela da gɛi, e gɛ I kpera mɛni maa-kɔrii e pilaŋ Ɣala ma? Ikili-ŋa sia I bilaŋ loŋ surɔŋ ta ma nyii kula naŋ woo mu, e ŋɔsãai siɣe e pilaŋ gɔɔ ma. E li e pɛlɛ mɛni nyɔmɔɔ-ŋa kɛi. Naŋ lii fe kɛ ni a naa a dua-pere. Le mɛni ɓe ve pai kɛi la a nɛlɛɛ a gɛɛ ku zurɔŋ-looi ŋi naŋ sɔŋ siɣe mɛni-kpɔlui a tɛɛi zui mɛni ma?

• I laai la a pai kɛi a nɛlɛɛ a gɛɛ ku Ziova sɔŋ siɣe ku kpera mɛni maa-kɔrii e pilaŋ ma, kpɛni fei lɛɛ ɣala-mɛni su-ɓela da mɛni nyɔmɔɔ kɛi?

 MƐNI-ŊUŊ-ŊAI YAA MAA-KƆRII

Lɛɛ ɣala-mɛni su-ɓela daa Ɣala laa kara a dilɛɛ sɛŋ-lɛɛi da mɛni nyɔmɔɔ-ŋai da gɛi. Ɣala a pai lɛɛ ɣala-mɛni su karai.

Gili-too-ŋa mare-kɛɛ-ŋai

• Ikili-ŋa-siai kaa leŋ e pilaŋ mɛnii ma lɛɛ ɣala-mɛni su-ɓela daa nɛ da berei daa tua lai?

• Ziova ŋɔkili-ŋa-siai kaa leŋ e pilaŋ lɛɛ ɣala-mɛni ma?

• Le ɓe Ɣala a pai gɛi a lɛɛ ɣala-mɛni?