ZƐŊ-LƐƐI 22
Ya Pɔri Duŋ Lɛlɛɛi Ɓoi Leŋ Nua Dia?
Ya kɛ dɔ̃yai Ŋala-kɔlɔi sui maa-kɔrii, ya pɔri moi yɛɛi, ‘Maa nɛ̃ɛi nuu kelee e mɛnii ŋi kɔlɔŋ!’ Tɔ̃ya ma maa nɛ̃ɛi nuu kelee e gɔlɔŋ! Tãi ta ya pɔri kɛi yaoi a gɛɛ I lono nua pɔ e pilaŋ mɛnii yaa maa-kɔrii ma. Kwaa lono e pilaŋ berei ma ya pɔri nyao kɛɛ ti yee mɛi ɣalei lai da berei ya pɔri pɛlɛi la ŋala-woo-ɓo tii kɛi a lii-nɛ̃ɛ pere.
1. Ya pɔri lonoi leŋ ikɔlɔŋ-ɓela pɔ e pilaŋ mɛnii yaa maa-kɔrii ma?
Zisɛ ŋɔpolu-ɓelai di mo diyɛɛi: “Kufa pɔri kperai lonoi e pilaŋ mɛnii ma kwa gaai da nyii kwa mɛnii.” (Dikɛ-mɛni-ŋai 4:20) Di dɔ̃yai maa mɛni siɣe kpɔ a gbanaŋɔɔ nyii gɛ dikɛ ŋwɛli a gɛɛ di mo nua tamaa dia. Bere ɓe gaa la ikili-ŋa? Gɛ ni, pere kɔri a gɛɛ I lono ikaayɔɔi da ilaoi-ni pɔ a ɓaa-kɛ-maa pere e pilaŋ mɛnii yaa maa-kɔrii ma.—Kolasiɛŋ 4:6 lono.
Bere sii-ŋai ya pɔri gɔɔ pilani lai taŋa kaa
-
Ya kɛ lonoi ikaayɔɔi su-nuu ta pɔ e pilaŋ mɛni-ŋuŋ ta ma Ŋala-kɔlɔi su, mo yɛɛ: “Ŋa mɛni lɛlɛɛ ta maa-kɔri nɔɔ-kuui ŋi su.”
-
Ɣala-kɔlɔ-kpua ta lɛ ilaoi ta ma nyii kɔlɛi kpaa nii toɔɔi polu.
-
Iɓaraŋ tii kɛ-nuu ta a I mare kɛ e pilaŋ berei ma nɔɔ-kuui e kɛ lai, lono bɔ e pilaŋ mɛnii ma I maa-kɔri Iɣala-kɔlɔ maa-kɔriɛ su kpaa goyaŋ dɔnɔ su.
-
Ye jw.org fãai ŋa lɛ iɓaraŋ-ŋa dia.
-
Nua takpɛni-ŋa toli Iɣala-kɔlɔ maa-kɔriɛ ma, kpaa berei lɛ da pɔri gɔlɔ-kpuai Ŋala-kɔlɔi maa-kɔri mɛni mai, laa fɛɛi la di dɛɛ jw.org.
2. Le ɓe Ŋala-woo-ɓo tii kɛɛ gie ma a korai-toli-kpɔŋ kɛ a mɛni-kpɛtɛɛ lɛlɛɛ?
Zisɛ ŋɔpolu-ɓelai dife duŋ lɛlɛɛi ɓo ni nɔ dikɔlɔŋ-ɓela dia. Zisɛ “e di tɛɛ ŋɛi tuɛ feerɛ-feerɛ. Di li daa-ŋai kelee su” a gɛɛ di ɣala-woo ɓo. (Luu 10:1) Ŋala-woo ɓo tii ti nyii kɛ a buɔɔ ŋɛli ma a nɛlɛɛi, e gɛ a gɛɛ nua tamaa di duŋ lɛlɛɛi mɛni. Ɣala-woo-ɓoɔɔ gie ma e pa a lii-nɛ̃ɛ tamaa Zisɛ polu-ɓela pɔ. (Luu 10:17) Ya maŋ ya pɔri mɛni-kpɛtɛɛ kɛi a gɛɛ I ɣala-woo ɓo a korai-toli-kpɔŋ?
MƐNI TAMAA MAA-KƆRI
Berei kaa ya pɔri yao yee mɛi ɣalei la da berei ya pɔri lii-nɛ̃ɛ sɔlɔ ɓoi la ŋala-woo-ɓo tii su.
3. Ziova a pai kɛi ipolu
Nua taŋa nyii ŋwɛlii di ɣala-woo ɓoi da pɔri kɛi dikili-ŋa siai e pilaŋ berei ma nua da pai di kaai la kpaa berei nua da pai tuai la a diai.
-
Ya yaoi a gɛɛ I mɛnii yaa maa-kɔrii ɓo nua dia? Le mɛni ma?
VILOI su kaa, gɛ ni ka lono e pilaŋ mare-kɛɛ ŋi ma.
-
Nuu-tɔɔ-ŋai ŋi di yao yee mɛi ɣale leŋ?
Azaya 41:10 lono, gɛ ni ka lono e pilaŋ mare-kɛɛ ŋi ma:
-
Ya kɛ yaoi a gɛɛ I ɣala-woo ɓo, Ɣala-fɛliɛ a kpɔŋ leŋ ya?
I mɛnii kɔlɔŋ?
Ziova Ŋɔsere-faa Kɛ-ɓelai damaa ɣele dikɛ gaai yɛɛ dife pai wɔlɔ pɔrii duŋ lɛlɛɛi ɓoi nua dia. Gɔɔŋ-maa tɔnɔ ɓa Sergey. E kɛ a gbanaŋɔɔ a gɛɛ e lono nua pɔ. Kɛlɛ e Ŋala-kɔlɔi maa-kɔri. E mo nyɛɛi: “Berei maŋ ŋa kɛ yaoi lai, ŋa pɛlɛ lonoi nua pɔ e pilaŋ mɛnii ma ŋa kɛ maa-kɔrii. E kɛ a gulaa a nyãa a gɛɛ lonoɔ nua pɔ e pilaŋ Ŋala-kɔlɔi ma e gɛ nii kɛ ɓo a gbeleɛ. E ŋɔnɔ ŋalaa-lai su kpanaŋ e pilaŋ mɛni nina-ŋai dia ŋa kɛ maa-kɔrii.”
4. Gɛ a ɓaa-kɛ-maa pere
Ya kɛ duŋ lɛlɛɛi ɓoi, ife ikili-ŋa sia nɔ e pilaŋ mɛnii ma ya pai moi, kɛlɛ ikili-ŋa sia e pilaŋ berei ma ya pai moi lai. 2 Temete 2:24 da 1 Pitɛ 3:15 lono, gɛ ni ka lono e pilaŋ mare-kɛɛ-ŋai ŋi dia:
-
Ya pɔri tii kɛi leŋ a Ŋala-kɔlɔ-kpua-ŋai ŋi ya kɛ lonoi nua pɔ e pilaŋ Ŋala-kɔlɔi ma?
-
Tai ta ikaayɔɔi su-ɓela taŋa kpaa ilaoi-ni dife pai ŋwɛlii a gɛɛ di diwoli tɔɔ ya. Le ɓe ya pai gɛi? Le ɓe maa fe nɛ̃ɛ ni I gɛ?
-
Le mɛni ɓe nɛlɛɛi la a gɛɛ I lono dipɔ a ɓaa-kɛ-maa pere e tɛɛ la ikili-ŋa-siai kpalaa ma dila?
5. Ŋala-woo-ɓo tii kɛɛ a pa a lii-nɛ̃ɛ
Ziova e ŋala-woo-ɓo tii tɛɛ Zisɛ pɔ. Zisɛ e dii ti kaa leŋ? Zɔŋ 4:34 lono, gɛ ni ka lono e pilaŋ mare-kɛɛ-ŋai ŋi dia:
-
Mii-sɛŋ lɛlɛɛ miiɛ a kukɔlɔi pono, e kulii nɛ̃ɛ. Le mɛni ɓe Zisɛ e Ɣala nĩa-mɛni kɛɛ kɔɔŋ la mii-sɛŋ miiɛ ma?
-
I laai la lii-nɛ̃ɛ kɛɛ leŋ ɓe ya pai zɔlɔ ɓoi ya duŋ lɛlɛɛi ɓo nua dia?
Lia-woo-ŋa
-
Ya li nɔɔ-kuu sama koyaŋ su, mɛni maa-kɔri e pilaŋ berei ma ya pɔri pɛlɛi la lonoi nua pɔ.
-
Lono Iɣala-kɔlɔ ŋa-lɛ-nuui pɔ e pilaŋ berei ma ya pɔri kɛi la a nono-tɛɛ-ɓelai ta nɔɔ-kuu sama koyaŋ su. Nono-ŋai ŋi da pɔri kpɔnii ya a gɛɛ ikɛ a I kpɛtɛɛ a gɛɛ I lono nua pɔ e pilaŋ mɛnii ya maa-kɔrii ma.
-
Tii kɛ a “Nua Taŋa Da Mo Diyɛɛi” kpaa “Nuu Ta A Pɔri I Mare Kɛi” basi-ŋai gɔlɔi ŋi su a gɛɛ I berei kɔlɔŋ ya pɔri nua dimare-kɛɛ-ŋai sukulai la da berei ya pɔri lonoi la nua pɔ nyii-ŋai difa ŋwɛli di diwoli tɔɔ yai.
NUU TA A PƆRI I MARE KƐI: “Ku mɛni zu?”
-
Ya pɔri tii kɛi leŋ a mare-kɛɛ ti a gɛɛ I lono nuui ti pɔ e pilaŋ mɛnii ma yaa maa-kɔri Iɣala-kɔlɔ maa-kɔriɛ su?
MƐNI-ŊUŊ-ŊAI YAA MAA-KƆRII
Duŋ lɛlɛɛi ɓoɔɔ nua dia a pa a lii-nɛ̃ɛ, nyaŋ gɔɔ pilani fe kpanaŋ ni.
Gili-too-ŋa mare-kɛɛ-ŋai
-
Maa nɛ̃ɛi I duŋ lɛlɛɛi ɓo nua dia le mɛni ma?
-
Ya pɔri nyiŋi kɛi leŋ a ɓaa-kɛ-maa pere?
-
Ya pɔri yao yee mɛi ɣalei leŋ ŋala-woo-ɓo tii su?
MƐNI TAKPƐNI-ŊA MAA-KƆRI
Mɛni naaŋ maa-kɔri e pilaŋ berei ma ya pɔri tii kɛi la a gɔlɔ-kpuai a nua teniŋ tɔɔ jw.org fãai mai a gɛɛ I ɣala-woo ɓo.
Gɔlɔ-kpuai A Nua Teniŋ Tɔɔ JW.ORG Fãa Mai Tɛɛ Pere Pɔɔkɔɔŋ (1:43)
Mɛni maa-kɔri e pilaŋ tua-pere lɛlɛɛ naaŋ ma nyii a pɔri kpɔnii ya a gɛɛ I duŋ lɛlɛɛi ɓo.
Berei kaa mɛni-kɔɔŋ-maai nyii gaa Ŋala-kɔlɔi sui a pɔri kpɔnii la kua a gɛɛ kukɛ a kulii kpeleɛ a pa ŋala-woo-ɓo tii kɛɛ ma a nɛ̃ɛ maŋ kukɛ a nuu-tɔɔ.
Ziova A Pai Kpɔŋ Maa Tɛɛi Ipɔ A Gɛɛ Ilii E Kɛ A Gbeleɛɛ (11:59)
Mɛni maa-kɔri e pilaŋ berei ma ya pɔri lonoi la ikaayɔɔi su nuu ta pɔ e pilaŋ Ŋala-kɔlɔi ma nyii ve ta wɔlɔ mɛni maa-kɔri ni e pilaŋ Ziova ma.
