Bɛtɛ kaayɔɔ̂i su ɓela da tíi takpɛ́ni-takpɛni-ŋa kɛ nyii a kpɔŋ maa tɛɛ ŋâla-woo-ɓó tíi pɔ́ dílɔii su kpaa máŋ lɔii-ŋuŋ takpɛ́ni-ŋa su. Dani díkaa a sîi-woo pene-ɓela, daŋa da tíi kɛ gɔlɔ kpɛtɛ masîŋ ma [díkɛ gɔlɔ-ŋai print kɛ, díkɛ naa kánaŋ gîe ma]. Dani-ŋa kpîŋ da gɔlɔ-ŋai ŋa kpɔŋ gîe ma díkɛ dɛɛ kôrai-toli-kpɔŋ-ŋai pɔ́, ǹûai daŋa da tíi kɛ́ ŋ̀óo-siɣe kɛ pɛ́rɛi kpaa vilo kpɛtɛ pɛ́rɛi mu da tíi takpɛ́ni-ŋa.

Ekwâta Laa-tuɛ-ɓelai ɓé díi-ŋai laa-tuɛ. Nɔii-ŋai kélee su kú ekwâta ta káa naai, Ǹúu-pɔlɔ-ŋai kôrai-toli-kpɔŋ-ŋai ŋéniɛi gwaa-kélee laa-tuɛi da núu-kpulu see à gɛ́ɛ díkɛ a naa tuɛ-ɓela. Lɔii tani-ŋa su kôrai-toli-kpɔŋ laa-tuɛ-nuu saaɓa (3) ɓé da di kɛ a Ekwâta Laa-tuɛ-ɓelai.Nɔii taŋa su dakɛ a dí tɛɛ núu saaɓa ma. Ekwâta Laa-tuɛ-ɓelai da Ǹúu-pɔlɔ-ŋai kôrai-toli-kpɔŋ-ŋai ŋéniɛi gwaa-kélee laa-tuɛi kili-ŋa-pono a tãi kélee é pîlaŋ berei ma ŋâla-woo-ɓó tíi káa lai nɔii-ŋuŋ kpaa nɔii-ŋuŋ-ŋai díkaa dí mɛi su. E tee nyíŋi ma, mɛni kpanáŋ ta a kula da nɛɛ naa dí gɔ́lɔŋ. Nyíŋi a kpɔŋ maa tɛɛ Ǹúu-pɔlɔ-ŋai kôrai-toli-kpɔŋ-ŋai ŋéniɛi gwaa-kélee laa-tuɛi pɔ́ à gɛ́ɛ dí mɛni-ŋuŋ-ŋa siɣe da pâi bɔ̃yɛi ŋâla-kɔlɔ-kpua-ŋai sui. A ŋɔ́nɔ kpɔŋ dîa à gɛ́ɛ dí m̀ɛni-ŋai siɣe da mò kwa à gɛ́ɛ kú dím̀aa-kɔ́ri kúkoyâŋ-ŋai da kúkpɔŋ kpáyakpaya-ŋai su. Ǹúu-pɔlɔ-ŋai kôrai-toli-kpɔŋ-ŋai ŋéniɛi gwaa-kélee laa-tuɛi da dílɔpu-sɛ̃neté (ǹúui gáa a díŋɛ́i-gaoi) tɛɛ ekwâta-ŋai naa káai. Da dɛ́ɛ à gɛ́ɛ é berei lɛ́ Ekwâta Laa-tuɛ-ɓelai da pɔri dítíi kɛ́i la a nɛ́lɛɛ. (Táre-woo-ŋa 11:14) Kú ekwâta kɛ́tɛi ŋɔlɔpu-sɛ̃netéi a pa, kwa kpɔŋ kɛ́tɛ tɔnɔ too nyii a lono tɛɛ zu à gɛ́ɛ e kôrai-ɓelai naai fɔrɔ woo ɓó.

Ekwâtai a kpɔŋ maa tɛɛ kôrai-toli-kpɔŋ-ŋai pɔ́. Dí lɛɛ pâi kôrai-toli-kpɔŋ nina ta lá ɓói, fɛ̂ɛ kôrai-ɓelai tani-ŋa nyii-ŋai díkaa ekwâtai sui, dí faa ma fúlɔi. Zinâai dani-ŋa naai da mɛni-ŋai lɛ́ à gɛ́ɛ panî̃a-ŋai, misɔ̃ŋnalee-ŋai, da sakîu-mɛi-ɓelai maa nɛ̂̃ɛi dí gɛ́i. Da ŋɔ́nɔ mɛni kpɛtɛɛ kɛ é pîlaŋ kúkpɔŋ kpáyakpaya-ŋai dîa. E tee nyíti ma, dia ɓé ŋɔ́nɔ Kúkâloŋ-laa Pɛ́rɛi-ŋai tɔɔ laa tuɛ, nyaŋ da mɛni pu ŋɛli ma à gɛ́ɛ dí ŋâla-kɔlɔ-kpua-ŋai tɛɛ kôrai-toli-kpɔŋ-ŋai su tãi ma. Díi-ŋai kélee da gɛ kú ekwâtai lai a kpɔŋ maa tɛɛ kúpɔ à gɛ́ɛ kú ŋâla-woo-ɓó tíi kɛ a bere.—1 Kɔleŋtiɛŋ 14:33, 40.

• Ekwâta Laa-tuɛ-ɓelai da kpɔŋ maa tɛɛ léŋ Ǹúu-pɔlɔ-ŋai kôrai-toli-kpɔŋ-ŋai ŋéniɛi gwaa-kélee laa-tuɛi pɔ́?

• Lé tíi-ŋa ɓé da gɛ kú ekwâtai lai?