Le mɛni ɓe maa nɛ̃ɛi I ikpiŋ kpɛtɛ lai? Kɔlɔ-fela kpanaŋɔɔ a pɔri I sonii I tɛi pere nyii a pɔri kpiŋ gɛi di li a ya zale pɛrɛ lai. Mɛni ma, tãi ka ŋi naa a gɛɛ I tii kɛ a nia-woo-ŋai kelee nyii a pɔri kpɔnii ya a gɛɛ I sale lɛlɛɛ sɔlɔ ɓo mɛni kɛɛ ti a kɛ. Kwa nyiti kɛ, kwa nɛ a gɛɛ ɓaa-kɛ-maa kaa kuyeei fulu-laa mɛni ma da Ziova ŋɔtɔŋ e pilaŋ ŋãa ma.​—Di 15:28, 29.

Ya pɔri ikpiŋ kpɛtɛi leŋ?

• Ɣala fɛli I ikpɔɔ tãi siɣe a gɛɛ I gɔlɔi nyii a lono nuu mɛni ma a pa ŋãa mɛni ma nyii da kɛ ma DPA kɔlɔi laa fɛɛi. a Diai di batai kɛɛi da pɔri DPA kɔlɔi ta sɔlɔ ɓoi Galoŋ-laa Pɛrɛi la e pɛlɛ la Identity Card (ic) ma dinĩa-pɛlɛɛi mɛni ma

• A kɛ ikaa kpaaŋ su, korai-toli-kpɔŋ laa-tuɛ-ɓelai mare kɛ S-401 kɔlɔ-kpuai mɛni ma nyii gaa nɛ̃yaa mɛni ma nyii-ŋai kpaaŋ sui. Gɔlɔ-kpua ŋi a pai kpɔnii ya a gɛɛ I mɛni-kpɛtɛɛ lɛlɛɛ kɛ e pilaŋ kɔlɔ-fela mɛni ta ma nyii a pɔri I sonii ya kɛ kpaaŋ su kpaa imaa fuloŋ tãi

• A kɛ mɛni ta a kula nyii pai pai a ŋãa siɣe mɛni kpaa nyii pai gɛi I lɛɛ zale-pɛrɛi mu a tãi su koya, nɛɛ naa korai-toli-kpɔŋ laa-tuɛ-ɓelai di gɔlɔŋ naa tuɛ, gɛ ni e mo dada-ŋai dia a gɛɛ Ziova Ŋɔsere-faa Kɛ-ɓelai ta a pɔri I naa kaai

Korai-toli-kpɔŋ laa-tuɛ-ɓelai da pɔri kpɔŋ maa tɛɛi leŋ? Da pɔri kpɔnii ya a gɛɛ I DPA kɔlɔ-kpuai laa fɛɛ. Kɛlɛ, korai-toli-kpɔŋ laa-tuɛ-ɓelai dife pai mɛni-kpɛtɛɛ kɛi e pilaŋ zale sii ma maa nɛ̃ɛi I ziɣei, kpaa di dikili-ŋa-siai lɛ e pilaŋ mɛni-kpɛtɛɛ kelee ta ma nyii maa nɛɛi ya kpiŋ I gɛi. (Lo 14:12; Ga 6:5) Ya mo korai-toli-kpɔŋ laa-tuɛ-ɓelai dia a gɛɛ ya tɛɛi kɔlɔ-fela mɛni ta su nyii a pɔri pai a ŋãa siɣe mɛnii, da pai bɔlɔ-ŋai tolii nyii-ŋai da tii kɛ a Dada-ŋa E Pilaŋ Sale Pɛrɛ-la Mɛni-ŋa Diai (HLC) imɛni ma.

HLC nuu-kpului a pɔri kpɔnii leŋ ya? Bɔlɔ-ŋai ŋi da kpɔŋ maa tɛɛ a gɛɛ di lono dada-ŋa da koti-la-ɓelai pɔ a gɛɛ di kumɛni-kpɛtɛɛ ŋa-kaa e pilaŋ ŋãa ma. Da pɔri lonoi I dadai pɔ e pilaŋ sale sii takpɛni-ŋa dia nyii ŋãa siɣe mɛni fe zui. A kɛ pere kaa naa, da pai dada ta kɔrii nyii pai faai ma a gɛɛ e tii kɛ a imɛni-kpɛtɛɛi e pilaŋ ŋãa ma.

VILOI BEREI KWA PƆRI MƐNI-KPƐTƐƐ-ŊA KƐI LA A PA BEREI MA DADA-ŊA DA TII KƐ LA A ŊÃAI SU KAA, GƐ NI KA MARE-KƐƐ ŊI SUKULA:

• Le ɓe I maa-kɔri viloi ŋi su e pilaŋ berei ma ya pɔri ikpiŋ kpɛtɛi la kɔlɔ-fela kelee ta mɛni ma nyii a pɔri pai a ŋãa siɣe mɛni?

  Your answer