Koraŋ kelee, Ziova ŋɔnuai ŋɛi a kɛ perei Korai Ŋɔsaa-kili-too-ŋa kpɔŋ mɛni ma. Zisɛ Ŋɔsaai Kili-too-ŋa Kpɔŋ maa lɔɔ-kuui da nɔɔkɔɔi-ŋai da lɛɛ bolui kwa tãi ti siɣe a gɛɛ ku Ziova laa ma tɛ ku zɛɣɛ fe Maa-tee-sɛŋ mɛni ma. (If 1:3, 7) Gɔɔŋ maa ɓa, kwa tii kɛ a gbanaŋɔɔ a gɛɛ ku nua toli gbɔŋ ŋi ma. Nua taŋa da mɛni kpɛtɛɛ kɛ a gɛɛ di kɛ a kpɔŋ maa panĩa ŋaloŋ Vuu-laɣii da Dɛniŋ mɛni ma. Nyaŋ da pɔri aɓa 30 kpaa 50 kɛi ŋaloŋ-ŋai ti yee mu. Ya pai ŋwɛli I imaa tɛ iɣala-woo ɓo tii su Zisɛ Ŋɔsaai Kili-too-ŋa Kpɔŋ mɛni ma goraŋ ŋi su? Le ɓe pai kpɔnii ya a gɛɛ I nyiŋi kɛ?

Kwa pɔri mɛni tamaa ŋaa see kɛi kwa mɛni kpɛtɛɛ kɛ naa tuɛ. (Ta 21:5) Ee Korai Ŋɔsaa-kili-too-ŋa Kpɔŋ ŋɔtãi aa kɛ naa lɛɣɛi, tãi ka ŋi naa a gɛɛ I pɛlɛ mɛni kpɛtɛɛ kɛi. I kili-ŋa sia berei ma ya pɔri imaa tɛi la iɣala-woo-ɓo tii su Korai Ŋɔsaa Kili-too-ŋa Kpɔŋ mɛni ma goraŋ ŋi su. I ikili-ŋa sia e pilaŋ mɛni ma ya pɔri gɛi a gɛɛ I imɛni-kpɛtɛɛ-ŋai ŋaa see kɛ. Gɛ ni Ziova fɛli a gɛɛ e lua laa itii ma.​—1Zɔ 5:14, 15.

Ya pɔri ikili-ŋa sia e pilaŋ pere sii takpɛni-ŋa dia nyii ya pɔri iɣala-woo-ɓo tii maa tɛi la a Korai Ŋɔsaa Kili-too-ŋa Kpɔŋ ŋɔtãi?