Dɛniŋ 1-7
ŊULE-WOOI 23-25
Ŋulei 4 da Ɣala-fɛliɛ | Mɛni-ŋai Kwa Pai Maa-kɔrii (Mini 1)
1. ‘Ziova Kaa A Mɛi-kaa-nuu’
(Mini 10)
Ziova a kuteniŋ tɔɔ (Ŋu 23:1-3; w11-ELI 5/1 31 ¶3)
Ziova a kumaa kɔ̃ɔ (Ŋu 23:4; w11-ELI 5/1 31 ¶4)
Ziova a kumɛi kaa a nɛlɛɛ (Ŋu 23:5; w11-ELI 5/1 31 ¶5)
Ziova kpaaŋɔɔi vɛli-ɓela mɛni ma yɛɛ berei nɔ ɓala-mɛi-kaa-nuu lɛlɛɛ a ŋɔɓala-ŋai mɛi-kaa lai.
IKILI-ŊA SIA E PILAŊ MARE-KƐƐ ŊI MA, ‘Ziova kpaaŋɔɔi leŋ mɛni ma?’
2. Mɛni Lɛlɛɛ-ŋai Ŋala-kɔlɔi Sui
(Mini 10)
Ŋu 23:3—Le ɓa ‘bere lɛlɛɛ-ŋai,’ nyaŋ le ɓe kwa pɔri gɛi a gɛɛ kufe kula ma? (w11-ELI 2/15 24 ¶1-3)
Mɛni-ŋuŋ-ŋa kɛɛ leŋ ɓe I maa-kɔri Ŋala-kɔlɔi lonoɔ su nɔɔ-kuui ŋi su nyii ya pai ŋwɛlii I lono e pilaŋ mai?
3. Ŋala-kɔlɔ-kpuai Nono Mɛni Mai
(Mini 4) Ŋu 23:1–24:10 (th zɛŋ-lɛɛi 5)
4. Lono Kɔɔ-pilaŋ Pere
(Mini 3) ƔALA-WOO ƁOƆƆ A TÃI IFE GBƐTƐ NI LA A GƐƐ I ƔALA-WOO ƁO. Ɣala-kɔlɔ-kpua ta lɛ nuu ta ma nyii mo ya a gɛɛ nii a sɛlɛni e pilaŋ nɔii kɛ pere ma. (lmd zɛŋ-lɛɛi 2 mɛni-ŋuŋ 5)
5. Lene-polu Naa-kaa Kɛɛ
(Mini 4) PƐRƐ-LA ƔALA-WOO ƁOƆƆ. Berei kwa Ŋala-kɔlɔi ŋaa lɛ la nua dia lɛ nuu ta ma nyii nyee see Kɛ-ɣeniɛ Ŋaa-nɛ̃ɛ Kula Wɔlɔ-wɔlɔ Da Wɔlɔ-wɔlɔ! kɔlɔ-kpuai mu. (lmd zɛŋ-lɛɛi 9 mɛni-ŋuŋ 3)
6. Nua Kɛɛ A Zisɛ Polu-ɓela
Ŋulei 54
7. Kufa Kuwoli-tɔɔ Ŋɔ̃ya-ŋa Woo Ma
(Mini 15) Ka lono e pilaŋ ma.
Ɓala-ŋa kpɔɔi di dimɛi-kaa-nuui woo kɔlɔŋ, nyaŋ da diwoli tɔɔ ma. Kɛlɛ da pu da ŋɔ̃ya woo mɛni nyii dife gɔlɔŋ. (Zɔ 10:5) Bere sii tɔnɔi ti su, kwa kuwoli tɔɔ Kumɛi-kaa-ɓela Lɛlɛɛi, Ziova da Zisɛ woo ma. (Ŋu 23:1; Zɔ 10:11) Kɛlɛ, kufa kuwoli tɔɔ ŋɔ̃ya-ŋa woo ma nyii-ŋai da kɛ ŋwɛlii di kulaa-lai su saa a “lɛɛ woo-ŋa.”—2Pi 2:1, 3.
Zɛnɛse ŋuŋ saaɓai e lono e pilaŋ tãi maa-ŋuŋ ma di ŋɔ̃ya woo mɛni la nɔii ma. Setɔŋ e tɛɛ kalii kponoi e lono Ii pɔ a gɛɛ mve nuui kɔlɔŋ kɛ lonoi. E kɛ tuai nɔ yɛɛ gaa a Ii naoi, mɛni ma e lɛɛ kɛ a Ziova laa. Nii-too-polu mɛni ɓa, e ŋoli tɔɔ Setɔŋ ma, nyii pa a mɔ̃lɛ-laa tamaa bɔ da ŋɔkaayɔɔi.
Saa, Setɔŋ a nua kili-ŋa pu e pilaŋ Ziova da ŋɔkpɔŋ-gie-mai ma a lɛɛ tuŋ-ŋa ɓoɔɔ da mɛni-ŋa ɓoɔɔ nyii zumoɔi a lɛɛ. Kwa ŋɔ̃ya woo mɛni, maa nɛ̃ɛi ku pu! Kuwoli tɔɔ nɔ a tãi kpua kpɛni fei kwa ŋwɛlii ku mɛnii kɔlɔŋ kɛi fe lɛlɛ ni. Woo ɣɛɛlu ɓe Setɔŋ e tii kɛ la a gɛɛ e Ii pɛlɛ dikɛɛ lonoi? (Zɛ 3:1, 4, 5) Kɛlɛ le ɓe pai kɛi a kɛ nuui ku gɔlɔŋ —nyaŋ ku wɛli kɛ ɓo mai kpaa maŋ kili-ŋa-sia lɛlɛɛ kaa nyeei ku mɛni ma—a kɛ ŋwɛlii e lɛɛ mɛni-ŋa ɓo kua e pilaŋ Ziova ŋɔkpɔŋ-gie-mai ma?
VILOI ŋi lɛ “Kufa Kuwoli-tɔɔ Ŋɔ̃ya-ŋa Woo Ma.” Gɛ ni nuai mare kɛ a mare-kɛɛ ŋi:
Le ɓe I maa-kɔri Jade ŋɔmɛni-kɔɔŋ-maai su a pa berei ma e tua la a nee nyii ve dɔ̃yai sui?
