Bɔrɔŋ-kpalai 18-24
ŊULE-WOOI 107-108
Ŋulei 7 da Ɣala-fɛliɛ | Mɛni-ŋai Kwa Pai Maa-kɔrii (Mini1)
1. ‘Kwaa Sɛɣɛi Fei Tɛɛ Ziova Pɔ, Kpɛni fei Zɔŋ Lɛlɛɛi’
(Mini 10)
Yɛɛ berei nɔ Ziova e Eezuɛ-ŋai ŋuŋ maa ɓo la Babelɔŋ, aa kuŋuŋ maa ɓo Setɔŋ ŋɔɣeniɛi yeei (Ŋu 107:1, 2; Ko 1:13, 14)
Kwa sɛɣɛi fei tɛɛ Ziova pɔ a kpɔŋ kua a gɛɛ ku naa maa tɛ korai-toli-kpɔŋ su (Ŋu 107:31, 32; w07-ELI 4/15 20 ¶2)
Kuyee-see-mui Ziova mɛni mai maa a tɛ kwa kukili-ŋa sia e pilaŋ mɛni-ŋai kelee dia aa gɛ kuɛi (Ŋu 107:43; w15-ELI 1/15 9 ¶4)
2. Mɛni Lɛlɛɛ-ŋai Ŋala-kɔlɔi Sui
(Mini 10)
-
Ŋu 108:9—Tãi ta Ŋala-kɔlɔi a kɛ Moa kaa a Ɣala ‘ŋɔseɣe waa kwaai’ ma sukulai ɓa le? (it-2-ELI 420 ¶4)
-
Mɛni-ŋuŋ-ŋa kɛɛ leŋ ɓe I maa-kɔri Ŋala-kɔlɔi lonoɔ su nɔɔ-kuui ŋi su nyii ya pai ŋwɛlii I lono e pilaŋ mai?
3. Ŋala-kɔlɔ-kpuai Nono Mɛni Mai
(Mini 4) Ŋu 107:1-28 (th zɛŋ-lɛɛi 5)
4. Lono Kɔɔ-pilaŋ Pere
(Mini 3) ƔALA-WOO ƁOƆƆ A TÃI IFE GBƐTƐ NI LA A GƐƐ I ƔALA-WOO ƁO (lmd zɛŋ-lɛɛi 1 mɛni-ŋuŋ 4)
5. Lene-polu Naa-kaa Kɛɛ
(Mini 4) ƔALA-WOO ƁOƆƆ A TÃI IFE GBƐTƐ NI LA A GƐƐ I ƔALA-WOO ƁO. Lono nuui pɔ e pilaŋ berei ma kwa Ŋala-kɔlɔi ŋaa lɛ la nua dia, gɛ ni I gɔlɔ-kpuai Ŋala-kɔlɔi ŋaa-lɛ mɛni mai tɛɛ nuui pɔ. (lmd zɛŋ-lɛɛi 9 mɛni-ŋuŋ 3)
6. Lono
(Mini 5) ijwyp 90—Zɛlɛŋ-kpau: Ŋa Pɔri Kili-ŋa-sia Nyɔmɔɔ Maa Laai Leŋ? (th zɛŋ-lɛɛi 14)
Ŋulei 46
7. Kwa Wule Too A Gɛɛ Ku Ziova Sɛɣɛi Fe
(Mini 15) Ka lono e pilaŋ ma
Gɛɛ Ziova aa Eezuɛ-ŋai ŋuŋ maa ɓo Ize soyaa wala-wala-ŋai yeei Nyuo kpɔlu sui, di pɛlɛ sɛɣɛi-fe wule toɔɔ ma. (Ɛs 15:1-19) Zinaai di pɛlɛ ŋule ninai ŋi toɔɔ ma. (Ɛs 15:21) Zisɛ da Korai-ɓelai wɔlɔ ti kɛi dia maŋ di laa-maa-tɛ wule too Ɣala ma. (Mf 26:30; Ko 3:16) Kua maŋ kwa kanaŋ kuyee-see-mui lɛi Ziova ma a wule toɔɔ goyaŋ-ŋai su, sakiu kpɔŋ-ŋai da kɔ̃ŋvensɔŋ-ŋai dia. Gɔɔŋ-maa ɓa, ŋulei ku siɣe nɔ dooi, “We Thank You, Jehovah,” kwaa tua dooi e siɣe 1966 ma.
Lɔii-ŋuŋ taŋa su, sinaa difa ŋwɛli di wule too kpɔŋ su. Nua taŋa difa ŋwɛli di wule too kpɛni fei da gaa yɛɛ diwoo fe lɛlɛɛ ni. Kɛlɛ, maa nɛ̃ɛi e lɛɛ kukili-ŋa a gɛɛ wule toɔɔ kaa a kuɣala-fɛli perei ta. Ziova ŋɔkpɔŋ-gie-mai a tii tamaa kɛi a gɛɛ e wule lɛlɛɛ-ŋa kpɛtɛ, gɛ ni di daŋa siɣe zu goyaŋ-ŋai kelee mɛni ma. Mɛnii nɔ maa nɛ̃ɛi ku gɛi ɓa ku kuwɛli-kɛ-maai da kuyee-see-mui lɛ kuɣala-taa Naŋ ma a wule toɔɔ.
VILOI ŋi lɛ Ku Kpɔŋ-gie-mai Maa A Faleni A Nɛlɛɛ—Wule Kaa A Ɓɛlɛ-see, Veerɛi 2. Gɛ ni nuai mare kɛ a mare-kɛɛ-ŋai ŋi:
-
Le ɓe kɛ goraŋ 1944 su?
-
Ku bɔlɔ-ŋai kɛ Siberia di diwɛli-kɛ-maai lɛ leŋ a Galoŋ-laai maa wule toɔɔ?
-
Le ɓe wule toɔɔ kɛ a maa mɛni kpanaŋɔɔ Ziova Ŋɔsere-fa-kɛ-ɓelai diai?
8. Korai-toli-kpɔŋ Ɣala-kɔlɔ Maa-kɔriɛ
(Mini 30) bt gɔlɔ-ŋuŋ 18 ¶6-15
