KWAA KUKƐ-ƔENIƐI KƐ YƐƐ KORAI-ƁELA
Ziova A Diai Ŋuŋ Ma Ɓo Kili-kɛ-zu Fe Ŋɔnɔ Diyeei
Ku kelee kulii a too polu a tãi taŋa. Kulii a too polu, nyiti fe nɛi a gɛɛ laa-la fe kuyeei Ziova kponoi. E tee nyiti ma, Ziova nya kpiŋ e mo a gɛɛ nii a too polu a tãi taŋa. (Zɛ 6:5, 6) Le ɓe kwa pɔri gɛi kulii a kɛ a toɔɔ polu a tãi kelee?
Ziova fɛli kpɔŋ maa mɛni ma. Ziova kpaaŋɔɔi a pa berei ma kulii kaa lai. E tãi kɔlɔŋ kulii a kɛ a nɛ̃ɛ la da tãi kulii a kɛ a doɔɔ la polui. E mɛnii kɔlɔŋ a gɛ kukɛ kukili-ŋa sia da berei kwa kukili-ŋa sia lai. (Ŋu 7:9) Mɛni-ŋuŋ ɓa, Ziova kpaaŋɔɔi ku mɛni ma nyaŋ a pɔri kpɔnii kua kulii a too polu.—Ŋu 34:18.
Ikili-ŋa-siai mɛi kaa. Kulii a kɛ a doɔɔ polu, nyŋi fa nɔ kulii-nɛ̃ɛi su saa, kɛlɛ a pɔri ŋɔnɔ kulaoi-laai a Ziova su karai. Mɛni ma, maa nɛ̃ɛi ku kukili-ŋa-siai mɛi kaa.—Ta 4:23.
VILOI BEREI KUBƆLƆ-ŊAI LII NƐ̃ƐI LA BEREI MAŊ DA TƐƐI LA LII-TOO-POLU MƐNI-ŊA SUI, SU KAA GƐ NI KA MARE-KƐƐ-ŊAI ŊI SUKULA:
-
Mɛni-ŋa kɛɛ leŋ ɓe Nikki e gɛ nyii kpɔŋ ma ŋɔlii-too-polui sui?
-
Le ɓe gɛ Nikki kɛ gaa yɛɛ maa nɛ̃ɛi e li data-ŋa pɔ kpɔŋ maa mɛni ma?—Mf 9:12
-
Pere sii kɛɛ leŋ ɓe Nikki e gili tɔɔ la Ziova ma kpɔŋ maa mɛni ma?