Ya jw.org laa ɓo, kɔlɔ-ŋa da vilo-ŋa kaa naa nyii-ŋai a nuai dife a Ziova Ŋɔsere-faa Kɛ-ɓelai lii soŋ. (Di 13:48) Tãi tamaa a lono e pilaŋ mɛni-ŋuŋ-ŋa dia nyii gaa duŋ su kpaa nua da lono a damaa e pilaŋ mai.

Ya pɔri tii kɛi leŋ a jw.org iɣala-woo-ɓo tii su?

• Li jw.org fãai ŋa a tãi kelee. Zɛŋ-lɛɛ-ŋai zãai kwa nɛ kpiniŋ mui kaa, I berei kaa ya pɔri tii kɛi la a gɛɛ I kpɔŋ maa tɛɛ nuu ta pɔ. (A gɛɛ I mɛni takpɛni-ŋa kaa nyii kɛ zãai kwa nɛ kpiniŋ mu a bɔlɔi, luaŋ “Damaa Kaa” ma.) Ya kɛ lii jw.org fãai ŋa a tãi kelee, a pai kpɔnii ya a gɛɛ I mɛni-ŋuŋ ŋina-ŋa kaa nyii ya pɔri tii kɛi la iɣala-woo-ɓo tii su.

• Tii kɛ a zɛŋ-lɛɛi da vilo takpɛni-ŋai zãai kwa nɛ kpiniŋ mui a gɛɛ I lono kɔɔ-pilaŋ. Zãai ŋi da pɔri kpɔnii kua a gɛɛ ku mɛni-ŋai kɔlɔŋ nua da dikili-ŋa siai e pilaŋ ma kuɣala-woo-ɓo kpiniŋ su.

• Jw.org fãai ŋa lɛ nua dia. Lono e pilaŋ mɛni-ŋuŋ ta ma, gɛ ni I berei lɛ nua da pɔri mɛni-ŋuŋ ti kaai la jw.org fãai ŋai.

• Gɔlɔ-pɔ̃yɛi a li a nua jw.org fãai ŋai tɛɛ nua ditoli-ɓo kɔlii su. Nua taŋa difa ŋwɛli di lono kupɔ, kɛɛ dilii a kɛ a nɛ̃ɛ a gɛɛ di li kuŋɔŋ kɔli fãai ŋa. Mɛni ma gɔlɔ-pɔ̃yɛi a li a nuu jw.org fãai ŋai kpaa sɛŋ-lɛɛ ta mai tɛɛ nua pɔ nyii-ŋai ŋwɛlii di mɛni maa-kɔrii.