Kili-ŋa-sia lɛlɛɛ fe nua tamaa yeei diai wala-wala-laa kaa diyeei mɛni ma. Ku mɛnii kɔlɔŋ da nyiti kɛ lai? Nuu-kpune aa wɔlɔ tua tii kɛi a diwala-wala-laai a nyɔmɔɔ a gɛɛ nɔ di dikpiŋ lii laa. (Ma 7:3) Kulii nɛ̃ɛi a gɛɛ korai-toli-kpɔŋ laa-tuɛ-ɓelai da tii kɛ a diwala-wala-laai a gɛɛ di kpɔŋ maa tɛɛ Ziova ŋɔnuai pɔ.—Ɛt 10:3; Mf 20:​25, 26.

Berei maŋ ŋeniɛ ŋi su-ɓela da tii kɛ la a diwala-wala-laai a nyɔmɔɔi, kɛlɛ wɛli-kɛ-maa Ziova da ŋɔnuai mɛni ma ɓe a korai-toli-kpɔŋ laa-tuɛ-ɓelai lii kula a gɛɛ di tii kɛ a diwala-wala-laai a nɛlɛɛ. (Zɔ 21:16; 1Pi 5:​1-3) Zisɛ a korai-toli-kpɔŋ laa-tuɛ-ɓelai teniŋ tɔɔ a gɛɛ di kpɔŋ maa tɛɛ bɔlɔ-ŋai pɔ di gaa a gɛɛ dikaa a Ziova ŋɔkaayɔɔi ta nyii pai gɛi di lɛɛ Ziova polu. Da kpɔŋ maa tɛɛ Ziova ŋɔnuai pɔ a maa felaa da kɛ tɛɛi kɔlɔ-fela mɛni kpaa mɛni-kpɔlu takpɛni-ŋa su. Ya kɛ ŋwɛlii a kpɔŋ maa, ife laa ni la a pai kɛi a nɛlɛɛ I mo korai-toli-kpɔŋ laa-tuɛ-ɓelai ta ma korai-toli-kpɔŋ su?—Zĩ 5:13.

VILOI KORAI-TOLI-KPƆŊ LAA-TUƐ-ƁELAI DA KPƆŊ MAA TƐƐ ZIOVA ŊƆNUAI PƆ SU KAA, GƐ NI KA MARE-KƐƐ-ŊAI ŊI SUKULA:

• Mariana e mɛni lɛlɛɛ sɔlɔ ɓo leŋ gbɔŋ maai korai-toli-kpɔŋ laa-tuɛ-ɓelai di dɛɛi su?

  Zukulai

• Elias e mɛni lɛlɛɛ sɔlɔ ɓo leŋ gbɔŋ maai korai-toli-kpɔŋ laa-tuɛ-ɓelai di dɛɛi su?

  Zukulai

• Le ɓe mɛni-kɔɔŋ-maai-ŋai ŋi da nɛ ya e pilaŋ dii ma korai-toli-kpɔŋ laa-tuɛ-ɓelai da gɛi?

  Zukulai