Ŋweei 7-13
ŊULE-WOOI 92-95
Ŋulei 84 da Ɣala-fɛliɛ | Mɛni-ŋai Kwa Pai Maa-kɔrii (Mini 1)
1. Ziova Fɛliɛ Kaa A Bere-sii Lɛlɛɛi Kwa Pɔri Ku-kɛɣeniɛi Kɛi La!
(Mini 10)
Ziova nɔ ɓe maa nɛ̃ɛi ku vɛli (Ŋu 92:1, 4; w18.04-ELI 26 ¶5)
A kpɔŋ ŋɔnuai dia a gɛɛ dimɛni-kpɛtɛɛ lɛlɛɛ kɛ, dilii e kɛ a nɛ̃ɛ (Ŋu 92:5; w18.11-ELI 20 ¶8)
Diai da kanaŋ vɛlii dakɛ kpiŋ a nuu-pɔlɔ dimaa mɛni kpanaŋɔɔi ma (Ŋu 92:12-15; w20.01-ELI 19 ¶18)
IKILI-ŊA SIA E PILAŊ MARE-KƐƐ ŊI MA, ‘Le ɓe ŋgberai ŋgbiŋ tɛɛi Ziova pɔ, ŋa batai kɛ?’
2. Mɛni Lɛlɛɛ-ŋai Ŋala-kɔlɔi Sui
(Mini 10)
-
Ŋu 92:5—Le ɓe ŋoo-ŋai ŋi di Ziova ŋɔtarei kɔɔŋ ma? (cl-ELI 176 ¶18)
-
Mɛni-ŋuŋ-ŋa kɛɛ leŋ ɓe I maa-kɔri Ŋala-kɔlɔi lonoɔ su nɔɔ-kuui ŋi su nyii ya pai ŋwɛlii I lono e pilaŋ mai?
3. Ŋala-kɔlɔ-kpuai Nono Mɛni Mai
(Mini 4) Ŋu 94:1-23 (th zɛŋ-lɛɛi 5)
4. Lono Kɔɔ-pilaŋ Pere
(Mini 4) ƔALA-WOO ƁOƆƆ A TÃI IFE GBƐTƐ NI LA A GƐƐ I ƔALA-WOO ƁO. Pere kɔri a gɛɛ I lono nuui pɔ e pilaŋ Ŋala-kɔlɔi ŋaa-lɛ tii ma ya gɛi. (lmd zɛŋ-lɛɛi 5 mɛni-ŋuŋ 3)
5. Lene-polu Naa-kaa Kɛɛ
(Mini 3) ƔALA-WOO ƁOƆƆ A TÃI IFE GBƐTƐ NI LA A GƐƐ I ƔALA-WOO ƁO. Lono nuu ta pɔ e pilaŋ Ŋala-kɔlɔi maa-kɔri mɛni ma nyii ve nyee see ni mu a bɔlɔi. (lmd zɛŋ-lɛɛi 8 mɛni-ŋuŋ 4)
6. Nua Kɛɛ A Zisɛ Polu-ɓela
(Mini 5) Lono Ɣala-kɔlɔ maa-kɔri nuu ta pɔ nyii ve maa tɛi. (lmd zɛŋ-lɛɛi 12 mɛni-ŋuŋ 5)
Ŋulei 5
7. Lii-sɛlɛŋ Mɛni-ŋa A Kɛ A Damaa Nuu-tɔɔ-ŋa Mɛni Ma
(Mini 15) Ka lono e pilaŋ ma.
Ziova fɛli-ɓela dia maŋ da tɛɛ lii-sɛlɛŋ mɛni-ŋa su. Gɔɔŋ-maa ɓa, Deeɓe e tɛɛ lii-sɛlɛŋ mɛni tamaa su a tãi takpɛni-ŋa ŋɔkɛ-ɣeniɛi su, nyaŋ berei nɔ ɓe gaa saa la a kubɔlɔ da sisɛ-ŋai tamaa ɣele. (Ŋu 13:2; 139:23) Maloŋ mɛnii ɓa, nuu-tɔɔ-ŋa kpiŋ da tɛɛ mɛni ŋi su. Tãi taŋa, lii-sɛlɛŋ a gɛ ku mɛni-ŋai kwa gɛ a tãi kelee yɛɛ ku liɛɛ kɔlɔ-pɛrɛ mu, kpaa ku liɛɛ goyaŋ-ŋai su kaa yɛɛ tii kpanaŋ. A pɔri kpiŋ pai a lii kɔlɔ-fela kpaa gili-ŋa-siai a gɛɛ nuu e gbiŋ paa.
Nuu-tɔɔ-ŋa, ka kɛ tɛɛi lii-sɛlɛŋ mɛni kelee ta su, ka mo kakaa-ɓela dia kpaa nuu-pɔlɔ nyii dɔɔi kpanaŋɔɔ dɔ̃yai su. Ife ŋɔnɔ nĩa a gɛɛ I Ziova fɛli kpɔŋ-maa mɛni ma. (Fe 4:6) A pai kpɔnii ya. (Ŋu 94:17-19; Az 41:10) Steing ŋɔmɛni-kɔɔŋ-maai kaa.
VILOI lɛ Ziova Kpaaŋɔɔi Mɛni Ma. Gɛ ni nuai mare kɛ a mare-kɛɛ-ŋai ŋi:
• Ɣala-kɔlɔ-kpua kɛɛ leŋ ɓe kpɔŋ maa tɛɛ Steing pɔ, nyaŋ le mɛni ma?
• .Ziova e mɛi kaa leŋ?
Loŋ-kaa-ɓela, ka pɔri kpɔnii kanĩa-pɛlɛɛi dia a gɛɛ di tɔɔ a gbanaŋɔɔ lii-sɛlɛŋ mɛni kelee ta su a mɛni-ŋai ŋi kɛɛ: kawoli tɔɔ dia a lii-kpele pere, kawɛli-kɛ-maai lɛɛ dia, ka kpɔŋ dia a gɛɛ di laa a Ziova. (Ta 2:4; Zĩ 1:19) Ka kakili tɔɔ Ziova ma ŋaa-nɛnɛ da wala-walalaa mɛni ma a gɛɛ ka kpɔŋ kanĩa-pɛlɛɛi dia.
Tãi ta kufe pai gɔlɔni a kɛ korai-toli-kpɔŋ su nuu ta a tɛɛi lii-sɛlɛŋ mɛni kpanaŋɔɔ ta su kpaa kufe pai pɔrii mɛnii kɔlɔni a tɛɛi zui. Kɛlɛ, kwa pɔri kpɔŋ maa tɛɛi korai-toli-kpɔŋ su ɓela kelee pɔ a wɛli-kɛ-maa lɛɛ dia, ku kuyee see dimu.—Tá 12:25; Ib 10:24.
