KWAA KÚKƐ-ƔENIƐI KƐ YƐ̂Ɛ KÔRAI-ƁELA
“Óo Ziova, . . . Ńâai A Yá”
Ǹɛ́lɛɛi à gɛ́ɛ kú laa-la pu Ziova kponôi a tãi kélee. (Ŋu 25:1, 2) Eezuɛ-ŋai dítãi ma, nûa dí kɔ́ pɛlɛ Zûu-ŋai dîa nyii dílaa-lai kɛ Ɣâla kponôi su kɔɔŋ. Kwa pɔri mɛni lɛ́lɛɛ támaa maa-kɔ̂rii m̀ɛnii kɛ a diai su. (Lo 15:4) Ka kpɛɛ viloi, “Óo Ziova, . . . Ńâai A Yá” su káai, ka pɔri m̀arê-kɛ́ɛ-ŋai ŋí su kulai léŋ?
-
Lé mɛni-kpɔlu-ŋa ɓé Ɛsekaya è tɛɛ zui?
-
Ɛsekaya è sia léŋ a nia-wooi Táre-woo-ŋa 22:3 sui, tãi è gɔ́lɔŋ la à gɛ́ɛ Asiria-ŋai díkɛ pâi kɔ́ pɛlɛi mai?
-
Lé ɓé gɛ Ɛsekaya fé faa ní ma à gɛ́ɛ dí díkpîŋ tɛɛ Asiria-ŋai pɔ́ kpaa é lí Ize kâloŋ pɔ́ kpɔŋ maa mɛni ma?
-
Ɛsekaya káa léŋ a mɛni-kɔɔŋ-maa lɛ́lɛɛ Kôrai-ɓela mɛni ma?
-
Lé mɛni-ŋa ɓé a kúkili-tɔɔ-maai Ziova kponôi su kɔɔŋ sâa?
