KWAA KÚKƐ-ƔENIƐI KƐ YƐ̂Ɛ KÔRAI-ƁELA
“Ńyãa Ká Ŋí. Ńdɛɛ!”
Berei Azaya è gbîŋ tɛɛ la tíi kɛ́ mɛni mai, káa a mɛni-kɔɔŋ-maa lɛ́lɛɛ kúmɛni ma. È laa-la lɛ, é nyée see ŋɔtíi mu bere máŋ vé kɛ́ ní a m̀ɛnii kélee è kɛ pâi tɛɛi zui kɔ́lɔŋɔɔ lai. (Az 6:8) Ya pɔri íkpîŋ kpɛtɛi léŋ à gɛ́ɛ I lí ɓɛ́i ɣâla-woo-ɓo ɓela dífe támaa ní naai? (Ŋu 110:3) Tɔ̃yâ ma, gáa a mɛni lɛ́lɛɛ à gɛ́ɛ I gapâi ya pâi gbɛɛi ziai ŋí mɛni mai su see I lɛ́ɛ pâi lîi. (Lû 14:27, 28) Kɛ́ɛ, fɛ̂ɛ kú gbɛtɛ kúkili-ŋa à gɛ́ɛ kú kúpôlu fé sãa tani dîa duŋ lɛ́lɛɛi ɓó mɛni ma. (Mf 8:20; Mk 10:28-30) Yɛ̂ɛ berei kú gáa la viloi, M̀ɛni-ŋai Maa Nɛ̃̂ɛi I Gɛ́i I Lɛ́ɛ Pâi Lîi Ɓɛ́i Ɣâla-woo-ɓo Ɓela Dífe Támaa Ní Naa sui, nûwai kwa zɔlɔ ɓo Ziova yêei dɛɛi zãai dîa kwa kúpôlu fe dîai.
KA KPƐƐ VILOI SU KÁAI, KA M̀ARÊ-KƐƐ-ŊAI ŊÍ SU KULA:
-
Lé ɓé Williams da ŋɔkaayɔɔ̂i su ɓela dí gɛ́ à gɛ́ɛ dí lí Ecuador?
-
Lé mɛni-ŋa ɓé dí lono é pîlaŋ ma dí lɛ́ɛ pâi kwaa ta ma siɣei à gɛ́ɛ dí lí naa?
-
Lé mɛni lɛ́lɛɛ-ŋa ɓé dí zɔlɔ ɓó nyíŋi sui?
-
Mí ɓé ya pɔri mɛni-ŋa maa-kɔ̂rii naa é pîlaŋ ɓɛ́i ɣâla-woo-ɓo ɓela dífe támaa ní naai ma?
KA KAAYƆƆ̂I ƔÂLA-KƆLƆ MAA-KƆ́RI TÃI, KA LONO É PÎLAŊ M̀ARÊ-KƐƐ-ŊAI ŊÍ DÎA:
-
Kúkaayɔɔ̂i a pɔri tíi kɛ́i léŋ a dámaa ŋâla-woo-ɓo tíi su? (km-E 8/11 4-6)
-
À kɛ̀ kúfe pɔrii lîi ɓɛ́i ɣâla-woo-ɓo ɓela dífe támaa ní naai, kwa pɔri kpɔnîi léŋ kúkôrai-toli-kpɔŋ ma? (w16.-E 03 23-25)
