Le ɓa Ŋala-kɔlɔi lono-woo? Ŋala-kɔlɔi lono-woo ɓa New World Translation Ɣala-kɔlɔi lonoɔ ŋɔwoo-siɣe. Da dɛɛi vãai ŋa a bɛlɛ-pɛlɛɛ sii-woo tamaa su. Mɛni-ŋuŋ lɛlɛɛ tɔnɔ Ŋala-kɔlɔi lono-woo sui ɓa a tii kɛ a kɔlɔ lono-ɓela takpɛni-ŋa a gɛɛ di tɔɔ nua takpɛni-ŋai Ŋala-kɔlɔi sui pɔɔ ŋa. Da nono a zu ponoɔ a gɛɛ di Ŋala-kɔlɔi ŋɔworɛ-wooi lɛ a tɔ̃ya pere.

Mɛni lɛlɛɛ kɛɛ leŋ ɓe nua taŋa da zɔlɔ ɓoi Ŋala-kɔlɔi lono-woo su? Diai da diwoli tɔɔ Ŋala-kɔlɔi lono-woo ma a tãi kelee, di tamaa ɣele di berei Ŋala-kɔlɔi lono-woo a kɛ la a zu ponoɔi wɛlini. Da gaa a gɛɛ da diwoli tɔɔ nua takpɛni-ŋa dia dikɛ Ŋala-kɔlɔi lono, a kpɔŋ dia a gɛɛ di dikili-ŋa sia a nɛlɛɛ e pilaŋ mɛnii ma da diwoli tɔɔi mai, di ŋa kaa a nɛlɛɛ. (Ta 4:5) Di tamaa ɣele daa ŋɔnɔ gaa a gɛɛ diwoli tɔɔ Ŋala-kɔlɔi lono-woo ma a diŋaa nɛnɛ dilii a kɛ a doɔɔ polu.​—Ŋu 94:19.

Kuwoli tɔɔ Ŋala-kɔlɔi lono-woo ma a pɔri kpɔŋ maa tamaa tɛɛi kupɔ kukɛ-ɣeniɛi su. (2Kɔ 34:19-21) A kɛ Ŋala-kɔlɔi lono-woo kaa sii-woo ta su nyii ya ŋa kaa, ya pɔri mɛni-kpɛtɛɛ kɛi a gɛɛ ikɛ iwoli tɔɔ ma a tãi kelee?

VILOI ŊALA-KƆLƆI LONO-WOO KPƐTƐ PERE​—GBUA LOŊ SU KAA, GƐ NI KA MARE-KƐƐ ŊI SUKULA:

Le ɓe ilii kula e pilaŋ berei ma da Ŋala-kɔlɔi lono-woo kpɛtɛ lai?