À gɛ́ɛ I lɔ̂igula panĩ̂a tíi kɛ́, fɛ̂ɛ I mɛni-kpɛtɛɛ lɛ́lɛɛ kɛ. Ya âɓa 18 kɛ́ ŋâla-woo-ɓo tíi su a lɔ́ɔ-kuu kélee, ya pâi pɔrii panĩ̂a tíi kɛ́i—nyaŋ tãi a pâi kɛ́i íyêei íkpîŋ mɛni ma! M̀ɛni-kpɛtɛɛ ŋí a kpɔŋ ya I panĩ̂a tíi kɛ́ a nɛ̃ɛ máŋ mɛni takpɛ́ni-ŋa dí tóo ítíi su, yɛ̂ɛ kɔlɔ-fela kpaa tuna kɛ́tɛ a kɛ pûi. Basí ŋ̀óo-ɣɛli-kpului ŋí kwarai, a kpɔŋ maa tɛɛ ŋâla-woo-ɓo ɓela pɔ́ nyii-ŋai tíi kɛ́i a fólo tɛ́itɛi kpaa a fólo kélee nɔ́ɔ-kuui su kpaa máŋ diai kɔlɔ-fela aâ díwala-walalaai maa yéŋ à gɛ́ɛ dí panĩ̂a tíi kɛ́. À kɛ̀ káayɔɔ su-ɓela da mɛni-kpɛtɛɛ kɛ́, gɛ̀ ní, díkaayɔɔ̂i su nuui ta a pɔri panĩ̂a tíi kɛ́i Danai su. Kákáayɔɔ ɣâla-kɔlɔ maa-kɔ́ri tãi, ǹɛ́lɛɛi à gɛ́ɛ ka lono é pîlaŋ nyíŋi ma.