KWAA KUKƐ-ƔENIƐI KƐ YƐƐ KORAI-ƁELA
“Kwa Tɔɔ A Gbanaŋɔɔ Duŋ Lɛlɛɛ Mɛni Ma Koti Su”
Tãi Eezuɛ-ŋai kpɔara-ɓela di kɔ la a gɛɛ di di kpera ŋala pɛrɛ kɛtɛi tɔɔi polui, di tii kɛ a dɔŋ a gɛɛ di pɔri ŋala pɛrɛ kɛtɛi tɔɔi polu. (Ɛz 5:11-16) Bere sii tɔnɔi ti su, Korai-ɓela daa saa tii kɛ a dɔŋ a gɛɛ di tɔɔ a gbanaŋɔɔ koti su duŋ lɛlɛɛ mɛni ma. (Fe 1:7) A gɛɛ di nyiŋi kɛ, di Mɛni-saa-ɓo Nuu-kpulu see ekwata kɛtɛi la goraŋ 1936 su. Saa, Mɛni-saa-ɓo Nuu-kpului Ekwata Kɛtɛi lai, da mɛni-ŋa pu ŋɛli ma a pa koti mɛni-ŋa dia Duŋ Lɛlɛɛ mɛni ma ŋɛniɛi gwaa kelee. Nuu-kpului ŋi aa kpɔŋ maa tɛɛ leŋ Duŋ Lɛlɛɛi ɓo mɛni ma, nyaŋ mɛni lɛlɛɛ kɛɛ leŋ ɓe Ɣala ŋɔnuai daa zɔlɔ ɓo zui?
VILOI DII-ŊAI MƐNI-SAA-ƁO NUU-KPULUI A GƐ EKWATA KƐTƐI LAI SU KAA, GƐ NI KA MARE-KƐƐ-ŊAI ŊI SUKULA:
-
Mɛni-kpanaŋ-ŋa kɛɛ leŋ ɓe Ziova Ŋɔsere-faa Kɛ-ɓelai daa tɛɛ zui?
-
Mɛni-saa-ŋa kɛɛ leŋ ɓe aa nɛ̃ɛ kua? Gɔɔŋ-maa lɛ.
-
Le ɓe ku kelee kwa pɔri gɛi tɛi-tɛi a gɛɛ “ku tɔɔ a gbanaŋɔɔ duŋ lɛlɛɛi” mɛni ma?
-
Kuŋɔŋ-kɔli fãai mi ɓe kwa pɔri lii naa a gɛɛ ku mɛni maa-kɔri e pilaŋ koti mɛni-ŋai dia nyii bilaŋɔi Ɣala ŋɔnuai diai da Ziova Ŋɔsere-faa Kɛ-ɓelai laa nyii-ŋai kpini-pɛrɛ mu dilaa-lai mɛni mai?
