Ziova a ŋwɛlii a gɛɛ kaayɔɔ-ŋa dikɛ a dilii-nɛ̃ɛ. (Ŋu 127:3-5; Ik 9:9; 11:9) Kɛlɛ, lii-sɛlɛŋ mɛni-ŋa, da kukaayɔɔ su-ɓela dipɔara-maa-mɛni-ŋai a pɔri kulii-nɛ̃ɛi sukarai. Le ɓe gaayɔɔi su-ɓela kelee da pɔri gɛi tɛi-tɛi a gɛɛ di pa a lii-nɛ̃ɛ gaayɔɔi su?

Maa nɛ̃ɛi zurɔŋ e ɓaa-kɛ-maa tɛɛ ŋɔnɛnii pɔ. (1Pi 3:7) A tãi see mɛni ma. E mɛnii kɔlɔŋ ŋɔnɛnii a pɔri gɛi, nyaŋ a zɛɣɛi fe mɛni-ŋai mɛni ma a gɛ nyaa da gaayɔɔi mɛni mai. (Ko 3:15) A ŋɔwɛli-kɛ-maa lɛ ma gɛ naa maa tɛ.​—Ta 31:28, 31.

Nɛnii a pere sii takpɛni-ŋa kɔri a gɛɛ e kpɔŋ maa tɛɛ ŋɔsurɔŋ pɔ. (Ta 31:12) A ɓaa-kɛ-maa tɛɛ bɔ e nyee see ŋɔmɛni-kpɛtɛ-ŋai mu. (Ko 3:18) A lono a nɛlɛɛ ŋɔsurɔŋ pɔ gɛ kpiŋ lono a nɛlɛɛ e pilaŋ ma.​—Ta 31:26.

Loŋ-kaa-ɓela da tãi siɣe dinĩa-pɛlɛɛi mɛni ma. (Du 6:6, 7) Da mo dinĩa-pɛlɛɛi dia a gɛɛ di diwɛli-ni. (Mf 3:17) Da dikula-maa kɛ a wɛli-kɛ-maa pere da mɛni-ŋa-kaa.​—If 6:4.

Nĩa-pɛlɛɛ da ɓaa-kɛ-maa tɛɛ dikaa-ɓela pɔ, di diwoo mɛni. (Ta 23:22) Da nɛɛ naa dikaa-ɓela di dikili-ŋa-siai kɔlɔŋ da mɛnii da tɛɛ zui. Da diyee see dikaa-ɓela dikula-maa-kɛi mu di ɓaa-kɛ-maa tɛɛ dipɔ.​—Ta 19:20.

VILOI MƐNI-ŊAI DA PA A LII-NƐ̃Ɛ IKAAYƆƆI SUI, KƐ SU KAA, GƐ NI KA LONO E PILAŊ MARE-KƐƐ ŊI MA:

Le ɓe gaayɔɔi su-ɓelai kelee di gɛ tɛi-tɛi a gɛɛ di pa a lii-nɛ̃ɛ gaayɔɔi su?