Mɛni-kpɛtɛɛ-ŋai kwa gɛ Ziova fɛliɛ sui, a pɔri kɛi a dii-ŋai nyii a kpɔŋ kua a gɛɛ ku Ziova fɛli ku nii nɛ̃ɛ. Da kpɔŋ kua a gɛɛ ku kumaa tɛ dɔ̃yai su, nyaŋ mɛni lɛlɛɛ-ŋai kwa zɔlɔ ɓo zui tɛɛi tãi da ŋwala-wala-laai ma kwa tii kɛ lai. (1Te 4:15) Le mɛni ɓe maa nɛ̃ɛi ku kumɛni-kpɛtɛɛ-ŋai maa kpɛɛ la a tãi kelee? Kpɛni fei kukɛ-ɣeniɛi maa a pɔri faleni. Mɛni-kpɛtɛɛ ku gɛ a tãi su koyaai fa pɔri nii kɛi a nɛlɛɛ ku mɛni ma, kpaa tãi ta ku ŋaa-see kɛ nyaŋ kwa pɔri ŋɔnɔ mɛni-kpɛtɛɛ nina kɛi.

Tãi nɛlɛɛi a gɛɛ ku kumɛni-kpɛtɛɛ-ŋai maa kpɛɛ lai ɓa, goraŋ ninai kɔɔ e lɛɛ pa pilani. I laai la ka pɔri lonoi e pilaŋ ma a ka kaayɔɔi Ɣala-kɔlɔ maa-kɔriɛ tãi, gɛ ni ka mɛni-kpɛtɛɛ nina-ŋa kɛ?

Mɛni-kpɛtɛɛ kɛɛ leŋ ɓe yaa gɛ e pilaŋ mɛni-ŋai ŋi dia, nyaŋ le ɓe yaa gɛ a gɛɛ I di ŋaa-see kɛ?