KWAA KÚKƐ-ƔENIƐI KƐ YƐ̂Ɛ KÔRAI-ƁELA
Berei Kwa Kúɣâla-woo-ɓo Perei Maa-tɛ La—Sɛŋ Lɛ́ɛ Vilo-ŋa Sârai
M̀ƐNII MAA NƐ̃̂ƐI KÚ NYÍŊI KƐ LAI:
Vilo-ŋa da núu líi soŋ, é dílii kula, é gɛ́ dí díwóli tɔ́ɔ. A gɛ mɛni é lɛ́ɛ nûa kili ŋa a tãi su kôya. Ziova aâ mɛni-kɔɔŋ-maa lɛ́lɛɛ kɛ a pa sɛŋ lɛ́ɛ ma fotôo-ŋa sârai.
Vilo-ŋai Ɣâla Láa Ɓa Gbɛ̂ɛ?, Gbɛ̂ɛ Wóo Ɓé Dí Bɔ̃yɛ Ŋâla-kɔlɔi Sui?, da Kwa Pɔri Laai Léŋ La À Gɛ́ɛ Ŋâla-kɔlɔi Wóo Káa A Tɔ̃yâ? da pɔri Duŋ Lɛ́lɛɛ kɔlɔ-kpuai ŋɔsɛŋ-lɛɛi 2 da 3 sukula. Vilo-ŋai Lé Mɛni Ɓé Ǹɛ́lɛɛi La I Ŋâla-kɔlɔi Maa-kɔ́ri?, Kwa Ŋâla-kɔlɔi Ŋá-lɛ́ Léŋ Nûa Dîa?, da Lé Bé Kwa Gɛ̀ Kúkâloŋ-laa Pɛ́rɛi La? da pɔri nûa líi kulai à gɛ́ɛ dí Ŋâla-kɔlɔi maa-kɔ́ri kpaa dí pa kúkoyâŋ-ŋai su. Kwa pɔri kpîŋ sɛŋ lɛ́i nûa dîa kúvilo kôya-ŋai daŋa sârai.
BEREI KWA PƆRI GƐI LAI:
-
Viloi ya ŋwɛ̂lii I nɛ̂i, ŋɔ dãanlôo kɛ
-
Marê-kɛɛ tɔnɔ kpaa veerɛ pɔ̃yɛ gɛ mɛni ma nyii dísukulai káa viloi su
-
Ka viloi su káa gîe ma
-
Ka lono é pîlaŋ m̀ɛni-ŋuŋ-ŋai dîa
NYÍŊI SUKƆ̂ƆŊ:
-
Lí kúkɔlɔ-kpua-loŋ dɔnɔ pôlu-laa ma, I votôoi lɛ́ nyii a kpɔŋ maa tɛɛ ǹúui pɔ́ é viloi Lé Mɛni Ɓé Ǹɛ́lɛɛi La I Ŋâla-kɔlɔi Maa-kɔ́ri? su káa.
-
Viloi Kwa Pɔri Laai Léŋ La À Gɛ́ɛ Ŋâla-kɔlɔi Wóo Káa A Tɔ̃yâ? lɛ́, I Duŋ Lɛ́lɛɛ kɔlɔ-kpuai tɛɛ, lono é pîlaŋ ŋɔsɛŋ-lɛɛi 3 ma
