KWAA KUKƐ-ƔENIƐI KƐ YƐƐ KORAI-ƁELA
Berei Kwa Pɔri Kpɔŋ Maa Tɛɛi La Mɛni-kpɔlu A Laa Kwaa Ta Ma
Mɛni-kpɔlu kɛtɛ-ŋa da saa kɛi ŋeniɛi gwaa kelee. Mɛni-kpɔlu a kɛ kwaa ta ma, maa nɛ̃ɛi mɛni e kɛ a buɔɔ ŋɛli ma a nɛlɛɛ a pa kpɔŋ maa tɛɛ mɛni ma. Mɛni ma Gbɔŋ-gie-mai Teniŋ-tɔɔ-ɓelai daa mɛni-kpɛtɛɛ kɛ a gɛɛ Kpɔŋ Maa Tɛɛ Nuu-kpulu e kɛ ekwata kelee la ŋeniɛi gwaa kelee.
Bɔlɔ-ŋai nuu-kpulu ŋi sui da gɔlɔŋ a gɛɛ mɛni-kpɔlu aa kɛ kwaa ta ma, da korai-toli-kpɔŋ laa-tuɛ-ɓelai ɓɛi mɛni-kpɔlui e kɛ naai toli a maa felaa a gɛɛ di gbɔŋ maai kɔlɔŋ da pɔri dɛi korai-toli-kpɔŋ su-ɓela pɔi. Mɛni-kpɔlui su a kɛ a gɛtɛ nyii bɔlɔ-ŋai yee fe pɔrii ma, ekwatai a pai bɔlɔ-ŋa tɛɛ a gɛɛ dikɛ gbɔŋ maa tii ŋɛi tuɛ. Bɔlɔ-ŋai ŋi da pɔri ekwatai mare kɛi kpɔŋ maa tii kɛ-ɓela mɛni ma kpaa zãai titi maa kpaaŋ kaa bɔlɔ-ŋai dia ɓɛ mɛni-kpɔlui e kɛ naai. Da pɔri ŋɔnɔ sãa takpɛni-ŋa yai a gɛɛ di dɛɛ bɔlɔ da sisɛ-ŋai pɔ nyii mɛni-kpɔlui e laa diai.
Kwa mɛni kɛ a bere sii kɛɛ ŋi, a kɛ a nɛlɛɛ. A kpɔŋ maa tɛɛ a gɛɛ kufe tii kpɛni kpɛni kɛ, kuwoo e kɛ zu tɔnɔ, ku tii kɛ a gapai da zãa takpɛni-ŋai bɔlɔ-ŋai da dɛɛ a nɛlɛɛ.
Bɔlɔ-ŋai ekwatai a pai di tɛɛi, ɓe pai mɛni-kpɛtɛɛ kɛi e pilaŋ gapai ma da pai tii kɛi lai da nuai da pai di siɣei di ŋi kɛ mɛni ma. Da pɔri ŋɔnɔ kɔi di gaa a kɛ gɔmɛti mɛi-ɓela da pɔri kpɔnii kua a gɛɛ ku dii kɛ a maa felaa. Mɛni ma, nuu kelee ta fe pɛlɛ kapa kulai gbɔɔ yee ma, e sãa tɛɛ ɓɛi mɛni-kpɔlui e kɛ naai, kpaa e li naa a kɛ dife mo ni ma a gɛɛ e gɛ ti.
A nɛ̃ɛ maŋ e kɛ ti, mɛni-kpɔlu a kɛ kwaa ta maa, maa nɛ̃ɛi ku nii kpɔŋ maa tɛɛ. (Ib 13:16) Kubɔlɔ-ŋai wɛli kaa kua! Le ɓe kwa pɔri gɛi? Mɛni-ŋuŋ ɓa, kwa pɔri Ɣala fɛlii diai mɛni-kpɔlui e laa diai mɛni ma da gbɔŋ ma tii kɛ-ɓelai. Kwa pɔri ŋɔnɔ kpɔŋ maa kapa tɛɛi ŋala-woo-ɓo tii mɛni ma ŋeniɛi gwaa kelee. Gbɔŋ-gie-mai Teniŋ-tɔɔ-ɓelai sarai, ekwatai-ŋai ŋi di berei kɔlɔŋ da pɔri tii kɛi la a gbɔŋ maa kapa-ŋai ŋi a nɛlɛɛ. Nyaŋ a kɛ kwa ŋwɛlii ku gbɔŋ maa tii ŋi ta kɛ, a pai kɛi a nɛlɛɛ a gɛɛ ku gɔlɔi Local Design/Construction Volunteer Application (DC-50) laa fɛɛ ku dɛɛ.
VILOI, NYA-FƐƐ KƐTƐI KƐ BRAZIL LƆII SUI, SU KAA GƐ NI KA MARE-KƐƐ ŊI SUKULA:
Le ɓe Ilii kula e pilaŋ berei ma Ziova Ŋɔsere-faa Kɛ-ɓelai di kpɔŋ maa tɛɛ la nya-fɛɛ kɛtɛi tɛɛ polu ma Brazil lɔii su goraŋ 2020 su?
