LIA-WOO-ŊA

Fotoo Pɔ̃yɛɛ A Kpɔŋ Ya A Gɛɛ Mɛni E Lɛɛ Ikili-ŋa

Tãi taŋa, a kɛ a gbanaŋɔɔ a gɛɛ mɛnii ku maa-kɔrii e lɛɛ kukili-ŋa. Kɛɛ va kɛ a gbanaŋɔɔ a gɛɛ mɛni-ŋai Zisɛ e nɛi tamaa ɣele e lɛɛ kukili-ŋa, kpɛni fei e tii kɛ a mɛni-kɔɔŋ-maa a tãi tamaa. Ya pɔri ikili-ŋa siai e pilaŋ dia, nyaŋ nyiŋi a kpɔŋ ya a gɛɛ e lɛɛ ikili-ŋa. Bere sii tɔnɔi ti su, mɛni-ŋai ya maa-kɔrii tamaa ɣele a pɔri lɛɛi ikili-ŋa a kɛ ya kɔ a gɛɛ I ikili-ŋa sia e pilaŋ fotoo ta ma nyii bilaŋɔɔi mɛnii ma ya nonoi. Ya pɔri nyiti kɛi leŋ? Ya pɔri nyiŋi kɛi a fotoo-ŋa pɔ̃yɛɛ ya kɛ mɛni maa-kɔriɛ kɛi.

Nua nyii-ŋai da fotoo-ŋa pɔ̃yɛ da kɛ mɛni nina maa-kɔrii, a kpɔŋ dia a gɛɛ mɛnii da maa-kɔrii e lɛɛ dikili-ŋa. Fotoo-ŋa pɔ̃yɛɛ fa kpɔŋ nɔ dia a gɛɛ di ŋoo-ŋai ŋaa kaa a nɛlɛɛ. Kɛɛ a ŋɔnɔ kpɔŋ dia a gɛɛ di mɛni-ŋuŋ-ŋai da maa-kɔrii ŋaa-kaa. Difotoo-ŋai fa kɛ nɔ a fotoo kpaya-kpaya nyii-ŋai bɔ̃yɛi kpanaŋɔɔi, kɛɛ a kɛ nɔ a bɛlɛ-pɛlɛɛ. Fotoo-ŋa pɔ̃yɛɛ a kpɔŋ maa tɛɛ nuu-pɔlɔ-ŋa titi pɔ a gɛɛ mɛnii da maa-kɔrii e lɛɛ dikili-ŋa.

Ya kɛ mɛni maa-kɔriɛ kɛi a tãi takpɛni, kɔ a gɛɛ I mɛni-ŋai yaa maa-kɔrii maa fotoo-ŋa pɔ̃yɛ. Berei mɛni-ŋai tamaa ɣele a pai lɛɛi la ikili-ŋai, a pai kɛi a gulaa a ya!