Kutandila caka acino, citukoleje ndaŵi jakwanila jakosecela Cikumbucilo ca ciwa ca Klistu. Naga lisiku lya Cikumbucilo lili mkati mwa wiki, msongano wa Undumetume ni Umi Waciklistu ngawutendekwaga mu wiki jelejo. Naga lisiku lya Cikumbucilo lili kumbesi kwa wiki, lijiganyo lya Sanja ja Mlonda soni ngani jawosope ngayitendekwaga. Ana mpaka alinganye yine ni yine kuti cakole yakutenda yejinji pandaŵi jeleji? Mpela muyaŵelele mu yaka 100 yandanda, kosecela cenene kuli kwakusosekwa pa cakutendekwa celeci. (Luk. 22:7-13; km 3/15 1) Nambo cakusosekwa mnope cili kosecelesya mitima jetu. Ana mpaka tutende camtuli yeleyi?

• Tuganicisyeje mnope kusosekwa kwa kusimanikwapo.—1 Akoli. 11:23-26

• Tupopeleje, soni tuganicisyeje ya unasi wetu ni Yehofa.—1 Akoli. 11:27-29; 2 Akoli. 13:5

• Tuŵalanjeje soni ganicisya Malemba gagakusasala ngopolelo ja Cikumbucilo.—Yoh. 3:16; 15:13

Abale ni alongo ŵane akusaŵalanga soni ganicisya malemba ga Kuŵalanga Baibulo ndaŵi ja Cikumbucilo gagakusasimanikwa mu kabuku ka Kulijiganya Malemba Lisiku Lililyose. Ŵane akusaŵalanga ngani sya mu Sanja ja Mlonda syasikusasala ya Cikumbucilo soni cinonyelo cele Yehofa ni Yesu ŵatulosisye. Ŵane akusaŵalanga malemba ga m’Babulo gagali mu ndandanda syasili pasipa. Mbali jilijose jasagwile kuŵalanga pambali syelesi mpaka jakamucisye kumŵandicila mnope Yehofa soni Mwanace jwakwe.