KULIPELEKA MU UNDUMETUME WAMUMGUNDA
Kuŵilanjila Ŵandu ku Msongano Waupande
Caka cilicose, tukusajembeceya cakulya causimu cakulimbikasya catukusasangalala naco pa msongano waupande. M’yoyo, kuti ŵane casangalale ni umbone wa Yehofa, tucisosekwa kwaŵilanjila ŵandu ŵajinji kuti casongane nawe. (Sal. 34:8) Likuga lya acakulungwa licisosekwa kutagulilana litala lyambone lyakupelecela tumapepalatu mumkuli wawo wosopewo.
YATUKUSOSEKWA KUMBUCILA
-
Ana msonganowu tucitenda cakaci?
-
Ana kuŵilanjila ŵandu kucitanda cakaci?
-
Ana tucitendelaga kwapi misongano jakosecela undumetume?
-
Ana yakulinga yangu yili yatuli pa ndaŵi jakuŵilanjila ŵanduji?
-
Ana ŵani ŵacinjaŵilanjila?
YAMPAKA AŴECETE
Panyuma pakomasyangana, mpaka aŵecete kuti:
“Tukukamula nawo masengo gagakutendekwa pacilambo cosope gakuŵilanjila ŵandu ku msongano wakusosekwa mnope. Masiku, ndaŵi, soni malo gakwe ayilembile pa kapepalaka. Wawojo komboleka kusimanikwako.”
ANA MPAKA TUKUSYE WULI LUNG’WANU?
Atamose kuti tukusaka kuŵilanjila ŵandu ŵajinji ku msongano, nambo tukusosekwa kulolecesyaga mundu jwalosisye lung’wanu kuti tukusye lung’wanu lwakwelo.
Lyakuŵeluka ni Lyamlungu mpaka tugaŵileje magasini yalumo ni kapepala kakuŵilanjila ŵandu ku msongano.